Viasna narodaŭ u arabaŭ: u Livii narodnaje paŭstańnie suprać «narodnaha» lidara
Demanstracyi prychilnikaŭ demakratyi praciahvajucca ŭ Bachrejnie, Jemienie, navat Džybuci.
Demanstracyi prychilnikaŭ demakratyi praciahvajucca ŭ Bachrejnie, Jemienie, navat Džybuci.
Kryvavyja dramy razhortvajucca ŭ Livii. Harady ŭschoda krainy ŭźnialisia suprać ekscentryčnaha dyktatara Muamara Kadafi, jakija kiruje krainaj užo 41 hod i rychtuje pieradaču ŭłady synam.
Paŭstali Bienhazi j Biejda. Udzielniki demanstracyj patrabujuć vyzvaleńnia palitviaźniaŭ i adstaŭki Kadafi. Tym časam prydurkavaty kiraŭnik Džamachiryi vyvieŭ na vulicy Trypali siabroŭ tak zvanych revalucyjnych kamitetaŭ, jakija farmalna kirujuć krainaj. Pravaabaroncy śćviardžajuć, što zahinuli kala 40 demanstrantaŭ. A ŭ Biejdzie sami demanstranty paviesili dvuch ahientaŭ śpiecsłužbaŭ, jakija adkryli ahoń pa pratestoŭcach.
Kroŭ praliłasia i ŭ Bachrejnie — maleńkim naftavym karaleŭstvie ŭ Piersidskaj zatocy. Tam šyickaja bolšaść i śvieckaja intelihiencyja patrabujuć pierachodu da kanstytucyjnaj manarchii.
U Jemienie studenty z adčajnaj, achviarnaj nastojlivaściu praciahvajuć svaje demanstracyi. I Jemien, i Bachrejn zaležać ad amierykanskaj dapamohi, što daje Zachadu ryčahi dla strymlivańnia represij.
Narešcie, upieršyniu ŭ historyi prademakratyčny ruch raspačaŭsia ŭ maleńkim Džybuci — respublicy, zacisnutaj miž Efijopijaj i Samali na stratehičnym pierašyjku miž Čyrvonym moram i Indyjskim akijanam. Demanstranty tam vystupili suprać sproby prezidenta zastacca na treci termin.
Niečakana mohuć skončycca i vybary va Uhandzie — afrykanskaj krainie, dzie niekalki dziesiacihodździaŭ kiruje miakki aŭtarytarny kiraŭnik Jovery Museveni. Na hety raz apazicyja poŭnaja žadańnia źmianić uładu.
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni4
Kamientary