BCHD prosić Hienprakuraturu pryciahnuć da adkaznaści ministra justycyi
Arhkamitet pa stvareńni partyi «Biełaruskaja chryścijanskaja demakratyja» (BCHD) prosić Hienieralnuju prakuraturu pryciahnuć da adkaznaści ministra justycyi Viktara Hałavanava. Adpaviednaja zajava ŭ Hienprakuraturu padadziena 26 kastryčnika,
paviedamiŭ sustaršynia arhkamiteta pa stvareńni BCHD Pavieł Sieviaryniec.
Pavodle jaho słoŭ, arhkamitet prosić Hienprakuraturu pryciahnuć Hałavanava da adkaznaści za parušeńnie zakanadaŭstva ab zvarotach hramadzian. Sieviaryniec nahadaŭ, što 12 vieraśnia hetaha hoda ŭ Minsku prajšoŭ ustanoŭčy źjezd BCHD, dakumienty na rehistracyju partyi byli pieradadzieny ŭ Miniust 19 vieraśnia. «Adpaviedna rašeńnie ab rehistracyi ci admovie ŭ rehistracyi pavinna było być pryniata ŭ miesiačny termin — da 19 kastryčnika. I jašče praź piać dzion nas pavinny byli prainfarmavać ab hetym rašeńni», — skazaŭ Sieviaryniec.
Apošni termin adkazu ź Miniusta prajšoŭ 24 kastryčnika, adnak nijakaha aficyjnaha adkazu ab rašeńni nie atrymana da hetaha času, skazaŭ palityk. «My ličym, što heta źjaŭlajecca hrubym parušeńniem zakanadaŭstva, za jakoje pavinien adkazvać niepasredna kiraŭnik Miniusta», — zajaviŭ Sieviaryniec.
Pry hetym jon adznačyŭ, što pytańnie ab rehistracyi BCHD uźnimałasia na niadaŭniaj sustrečy prezidentaŭ Biełarusi Alaksandra Łukašenki i Litvy — Dali Hrybaŭskajte. Akramia taho, zarehistravać BCHD zaklikali šerah jeŭrapiejskich palityčnych partyj, u pryvatnaści Hiermanii, Litvy i Finlandyi.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary