Karcina Alaksandra Kołbyšava — heta cud dla siońniašniaj Biełarusi. U krainie, dzie ŭzoram abviaščajecca Stalin, źjaŭlajecca padkreślena antytatalitarny film.
Biełaruś, 2009, kalarovy, 103 chv.
Režysior: Alaksandr Kołbyšaŭ
Roli vykonvajuć: Dźmitry Uljanaŭ, Andrej Panin, Kola Śpirydonaŭ, Uładzimir Haściuchin, Tamara Mironava, Siarhiej Ułasaŭ, Aksana Lasnaja, Halina Kuchalskaja, Śviatłana Nikifarava
Žanr: Trahiedyja pavodle apaviadańnia Alaksandra Čakmianiova
Adznaka: 7 (z 10)
 Dźmitry Uljanaŭ i Uładzimir Haściuchin u filmie «Vaŭki» Z sajtu belarusfilm.by |
Aryštant Kirył Palatajeŭ biažyć z HUŁAHaŭskaha ciahniku ŭ rodnuju viosku. Za ŭciekačom pačynajecca palavańnie. Adnyja chavajuć aryštanta, inšyja — prahnuć vysačyć. Karnik abviaščaje, što vioska budzie represavanaja, kali ŭciakač nie znojdziecca. Ale la lasnoj schovanki Palatajeva vyjuć hałodnyja vaŭki.
Karcina Alaksandra Kołbyšava — heta cud dla siońniašniaj Biełarusi.
U krainie, dzie ŭzoram abviaščajecca Stalin, źjaŭlajecca padkreślena antytatalitarny film.Siužet karciny nahadvaje «Abłavu» Vasila Bykava, ale Čakmianioŭ skłaŭ apaviadańnie, pa jakim pastaŭlena stužka, šče ŭ 1963 hodzie. Apaviadańnie doŭha było zabaroniena.
Karcina Kołbyšava — heta suvoraja trahiedyja biez hieroja,pastaŭlenaja ŭ popielna-šerych kolerach z kryvavymi ściahami-plamami. U kadry — ledziany śnieh i ściuža, chistki ahmienčyk sumleńnia, karnickaja mašyna represij — i słaby čałaviek, jaki sprabuje vyratavacca.
Alaksandr Kołbyšaŭ — sam vydatny aktor — dobra viedaje, jak pracavać z vykanaŭcami. Padstupna-hniusny Andrej Panin (karnik), źlakany Palatajeŭ (Dźmitry Uljanaŭ), razvažliva-razhubleny Uładzimir Haściuchin — upryhožvajuć karcinu. Ale darosłym ciažka pieraihrać aktoraŭ-dziaciej.
Padaje chałodny śnieh, vyjuć złyja vaŭki, hučyć u dziciačych vusnach malitva (składzienaja Uładzimiram Zamiatalinym!).
My ŭžo ŭciakli z HUŁAHu, ale da svabody tak i nie dabralisia.
Kamientary