Ułada1111

«Ci lohka damaŭlacca ź biełaruskim kiraŭnictvam? Vielmi lohka, tak lohka!»

Pucin u Krymie iranizavaŭ pra adnosiny ź Biełaruśsiu.

Prem'jer-ministr Rasiei Uładzimir Pucin zajaviŭ, što nijakaj infarmacyjnaj vajny pamiž Rasiejaj i Biełaruśsiu niama.

«Ja nie baču nijakaj infarmacyjnaj vajny, — zajaviŭ Pucin rasiejskim žurnalistam paśla svaich pieramovaŭ z prezidentam Ukrainy Viktaram Janukovičam u jaho rezidencyi ŭ Krymie. — Ja mała čytaju pieryjodyki, mała hladžu padobnaha rodu elektronnaj presy ŭ štodzionnym režymie».
«Ja nie baču nijakich prykmiet jakojści vajny, jakich by to ni było bajavych dziejańniaŭ,
i nie vypadkova cikaŭlusia, ci jość achviary», — skazaŭ Pucin. «Presa časta vostra reahuje na niejkija rečy, voś u adnosinach da mianie, dziejnaha prezidenta Rasiei, inšych našych palityčnych dziejačaŭ my časta bačym dastatkova vostryja materyjały, i heta što, vajna? — rytaryčna zapytaŭsia jon. — Na žal, našy kalehi časta ličać, što kali źjaŭlajucca takoha rodu materyjały, što jany niejak inicyjavać. Ale heta nie tak».

Na dumku premjera, «najlepšaja reakcyja na takija materyjały ŭ vypadku, kali chtości ličyć, što jany niespraviadlivyja, — adkazvać taksama ŭ infarmacyjnaj prastory».

«Jany mohuć pradstavić arhumienty aŭtaram materyjałaŭ, jakija jany ličać niespraviadlivymi, i ja navat nie razumieju, pra što idzie havorka», — dadaŭ jon.

«Raskažycie mnie, ab čym hetyja materyjały, i ja prakamientuju», — adkazaŭ Pucin na ŭdakładnieńnie žurnalistaŭ ab tym, što na rasijskim telebačańni prajšli ŭ efiry prahramy z kampramietujučaj infarmacyjaj ab biełaruskim kiraŭnictvie.

«Ci lohka damaŭlacca ź biełaruskim kiraŭnictvam? Vielmi lohka, tak lohka! — padjałdyknuŭ Pucin. — Kali havorka idzie pra hrošy, abjomach pastavak enierharesursaŭ, usim chočacca atrymać štości na durniak ad Rasiei, a kali nie ŭdajecca, uźnikaje razdražnieńnie».

«U toj ža čas my pavinny ŭličvać zakonnyja intaresy našych partnioraŭ, — padkreśliŭ prem'jer-ministr Rasiei. — Ja miarkuju, što my tak i robim: my ž damovilisia ź biełaruskimi kalehami, padpisali kantrakt u 2007 hodzie, i my nie prosim ničoha zališniaha za ramkami hetaha kantrakta, my prosim tolki vykonvać padpisanyja nami damoŭlenaści, bolš ničoha nie treba».

«Ale kali nam kažuć: davajcie my sioleta zakupim mienš, a ŭ nastupnym — u dva razy bolš, i my zhadžajemsia, a ŭ nastupnym hodzie nam kažuć, što davajcie zrobim, jak u minułym, navat u hetym vypadku my starajemsia znajści kampramis, — praciahnuŭ Pucin, — my sprabujem źmiakčyć ŭvachodžańnie ŭ rynkavyja ŭmovy».

«Usie chočuć kupić tańniej, a pradać daražej, heta zvyčajnaja sprava, tut niama čaho nahniatać. Ale kali padpisany dahavor, to jaho treba vykonvać», — zaklučyŭ jon.

Kamientary11

Ciapier čytajuć

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły

Usie naviny →
Usie naviny

Słavakija viartaje ŭ Biełaruś pasła11

Raspracavany pieršy za 50 hadoŭ antybijotyk suprać śmiarotnaj supierbakteryi

U Maładziečanskim rajonie pradajuć lecišča z marskoha kantejniera

Kolki kaštuje pucioŭka ŭ biełaruski sanatoryj — suma niemałaja2

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi43

Rotam kamunista Syrankova znoŭ ukidvajecca ideja admianić u Biełarusi prezidenckija vybary27

Kiełah: Na pieramovach u Stambule buduć pradstaŭniki ZŠA, Hiermanii, Vialikabrytanii i Francyi3

U Nacyjanalnym mastackim muziei adkryłasia vystava, pryśviečanaja rasijskim pieramoham15

Apielacyjny sud u ZŠA staŭ na bok Trampa ŭ pytańni taryfaŭ

bolš čytanych navin
bolš łajkanych navin

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły

Hałoŭnaje
Usie naviny →

Zaŭvaha:

 

 

 

 

Zakryć Paviedamić