Prapahandystka Simańjan zaklikała rasijan supakoicca nakont deficytu bienzinu i nahadała, što jość jašče praduktovyja kartki
Hałoŭnaja redaktarka RT Marharyta Simańjan u efiry prahramy Uładzimira Sałaŭjova zaklikała žycharoŭ Rasii spakajniej stavicca da paliŭnaha kryzisu, adznačyŭšy, što rasijanie ŭžo pieražyvali bolš składanyja časy, piša The Insider.
«Bienzinu niama? Nu, ja jašče pamiataju, majo pakaleńnie pamiataje, jak ježa naohuł była pa kartkach. Vy nie pamiatajecie, ci što? U maim horadzie, u Krasnadary, u 1992 hodzie byli kupony. My ich vyrazali, chadzili. A ja asabista chadziła ź viodrami va ŭzroście 11—12 hadoŭ i jašče raniej — pa vadu. Nie pa koka-kołu, nie pa štości, a pa vadu, tamu što vady nie było», — zajaviła jana.
Simańjan raspaviała, što praciŭniki Rasii dabivajucca, kab rasijanie «pabiehli, jak u 1917 hodzie, źviarhać cara-baciušku», adnak zaraz, na jaje dumku, situacyja inšaja, i narod usio vytrymaje.
«Zaklikaju ŭsich: paspakajniej, paspakajniej. Tak, ciažka, tak, vielmi ciažka, ale paspakajniej», — dadała jana.
Pavodle padlikaŭ The Insider, na kaniec červienia niastača paliva fiksavałasia ŭ 88 z 89 padkantrolnych Rasii rehijonaŭ.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary
Dla skrepanosnych Rasiei, žyć z prybiralniej (tualetam) u chacie, u ciaple, biaz hoładu i halečy, z prybytkam i zamožna, - dyskamfortna, niaskrepanosna i niaŭtulna, niazručna...
Tamu, jana, maje racyju