«Dvajny KOPiec» Kievina Śmita — kamiedyjny bajavik, u jakim zusim nie da śmiechu.
ZŠA, 2010, kalarovy, 107 chv.
Režysior: Kievin Śmit
Roli vykonvajuć: Brus Uilis, Trejsi Morhan, Chuan Karłas Chiernandez, Kory Fiernandez
Žanr: Kamiedyjny «naparnicki» bajavik
Adznaka: 2,5 (z 10)
Dva siabry-palicejskija redkija jołupni, jakija viečna traplajuć u durnyja situacyi. U dadatak hieroi ŭviazvajucca ŭ pryhody z narkamafijaj, pryhažuniaj — i darahoj biejsbolnaj kartkaj. Kiepska budzie!
Karcina Kievina Śmita — heta dvajny kapiec Brusa Uilisa.My lubim Uilisa, jak «udarnaha» hieroja bajevikoŭ z dobrym pačućciom humaru.
U henaj karcinie z pačućciom humaru ŭ Brusa Uilisa — nie bliskuča, niahledziačy na natužlivyja kamikavańni i niedarečnaści. A jahony hieroj — sucelnaja ciamcia-lamcia, niazdolny navat adśviatkavać viasielle dački.
Zatoje enerhičny naparnik Uilisa — Trejsi Morhan zachłynajecca ślinami j kamiedyjnym pafasam.Jon nosicca pa vulicam, zamaskavany pad mabilny telefon, kryčyć i mituśliva ŭvasablaje na ekranie palitkarektnuju afraamierykanskuju temu.
A voś łacinaamierykancam dastałosia: jany molacca tolki kab zastrelić voraha, kryžyk nosiać jak fłešku z bandyckaju infarmacyjaj, i, uvohule, psichapaty.
Para ŭdałych scenak: telefon-muryn i pahonia na mohiłkach, para ŭdałych žartaŭ, jakija navat nie ŭzhadaješ.
I heta ŭsio.
Kievin Śmit, aŭtar zubadrabilnych i paciešnych «Klerkaŭ», źniaŭ nieviadoma što.
Brus Uilis — ulez u nieviadoma što.
Nie, tavaryšy… Heta poŭny — «dvajny kapiec».
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary