Danija maje namier spynić vydaču DNŽ hramadzianam Ukrainy, jakija nie vyzvalenyja ad vajskovaj słužby
Urad Danii paviedamiŭ pra płany spynić vydaču dazvołaŭ na žycharstva hramadzianam Ukrainy va ŭzroście ad 23 da 60 hadoŭ, jakija nie vyzvaleny ad vajskovaj słužby, piša «Nastojaŝieje vriemia» sa spasyłkaj na ŭrad Danii.
Paśla poŭnamaštabnaha ŭvarvańnia Rasii va Ukrainu ŭ 2022 hodzie Danija pryniała śpiecyjalny zakon, jaki praduhledžvaje časovuju abaronu dla pieramieščanych asob z Ukrainy. Adnak ciapier urad płanuje zrabić bolš žorstkimi praviły atrymańnia vidu na žycharstva, kab ukraincy nie vykarystoŭvali hety miechanizm dla ŭchileńnia ad mabilizacyi va Uzbrojenyja siły Ukrainy.
Źmieny nie zakranuć užo vydadzienyja dazvoły na žycharstva. Pry hetym nie ŭdakładniajecca, ci buduć jany raspaŭsiudžvacca na hramadzian Ukrainy, jakija ŭ najbližejšy čas płanujuć padaŭžać svaje dakumienty.
Ministr pa spravach imihracyi i intehracyi Danii Morten Biodskaŭ adznačyŭ, što Kapienhahien «staić plačo ŭ plačo» z Kijevam, tamu ŭnosić źmieny ŭ pryniaty raniej śpiecyjalny zakon. Pavodle jaho słoŭ, «nie pavinna być tak, kab našy praviły znachodžańnia vykarystoŭvalisia dla ŭchileńnia ad mabilizacyi va ŭkrainskija ŭzbrojenyja siły».
Na pačatak maja 2026 hoda, pavodle aficyjnych danych, u Danii pražyvali kala 47 600 pieramieščanych asob z Ukrainy, jakija atrymali dazvoł na žycharstva ŭ adpaviednaści z zakonam, pryniatym u 2022 hodzie.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary