Siarod lidaraŭ krain byłoha SSSR rasijanie najbolš daviarajuć Łukašenku — dziaržaŭny saccentr
Alaksandr Łukašenka ź vielizarnym adryvam uznačaliŭ rasijski rejtynh davieru siarod lidaraŭ krain byłoha SSSR. Pavodle krasavickaha apytańnia VCIOM, uzrovień davieru rasijan da jaho skłaŭ 75%, u toj čas jak najbližejšy pieraślednik nabraŭ tolki 25%.
Alaksandr Łukašenka zajmaje pieršaje miesca pa ŭzroŭni davieru rasijan siarod kiraŭnikoŭ postsavieckich krain, zajaviŭ dziaržaŭny Analityčny centr VCIOM pa vynikach daśledavańnia, praviedzienaha ŭ krasaviku 2026 hoda.
Pavodle źviestak rasijskich dziaržaŭnych sacyjołahaŭ, uzrovień davieru da Łukašenki ŭ Rasii dasiahnuŭ 75%. Jany davodziać, što za apošnija dziesiać hadoŭ hety pakazčyk vyras na 10 pracentnych punktaŭ.
U rejtynhu davieru lidary krain SND i blizkaha zamiežža raźmierkavalisia nastupnym čynam:
Kasym-Žamart Takajeŭ (Kazachstan) — 25% (druhoje miesca);
Šaŭkat Mirzijojeŭ (Uźbiekistan) — 8%;
Nikoł Pašynian (Armienija) — 7%.
Pa 5% nabrali lidary Azierbajdžana, Hruzii i Kyrhyzstana, pa 4% — lidary Turkmienistana, Tadžykistana i Małdovy.
Kiraŭnica adździeła «Mižnarodnyja prajekty» AC VCIOM Iłona Hiozalan patłumačyła, što vysoki vynik biełaruskaha lidara abumoŭleny tryma klučavymi faktarami: ščylnaj prysutnaściu ŭ rasijskaj infarmacyjnaj prastory, stabilna pazityŭnaj tanalnaściu navin i hłybokimi intehracyjnymi pracesami pamiž dźviuma krainami.
Apytańnie pravodziłasia mietadam intervju, u im uziali ŭdzieł 1,6 tysiačy rasijan va ŭzroście ad 18 hadoŭ.
-
Sałaŭjoŭ abvinavaciŭ Ksieniju Sabčak i jaje maci Narusavu ŭ dziaržzdradzie
-
Perys Chiłtan damahłasia zakryćcia elitnaj škoły, u jakoj jana vučyłasia i ŭ jakoj ździekavalisia ź dziaciej
-
Sikorski pra mahčymy napad rasijan na Polšču: Jany niešta rychtujuć, hetak sama, jak heta było pierad uvarvańniem va Ukrainu
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary