Byccam ničoha i nie było. Jak ciapier vyhladaje homielski šmatpaviarchovik, u jakim adbyŭsia vybuch
Piać miesiacaŭ tamu, kali ŭ homielskim šmatpaviarchoviku na vulicy Kosarava adbyŭsia vybuch hazu, nichto nie moh adkazać, što budzie z domam dalej. Časova adsielać, całkam źniasuć, raźbiaruć paciarpiełuju siekcyju? Vynik moh być luby. Ale paśla abśledavańnia vyśvietliłasia, što kanstrukcyi znachodziacca ŭ takim stanie, što pavierchi, jakija razburylisia, možna naraścić, piša Onliner.
Z sakavika hetaha hoda dziesiacipaviarchovik pačali pryvodzić u prystojny vyhlad. Dla taho, kab adnavić budynak, miascovamu domabudaŭničamu kambinatu daviałosia papacieć: sučasnyja paneli i plity pierakryćcia nie «sadzilisia» na savieckuju asnovu. Pryjšłosia zapuścić asobnuju liniejku vyrabaŭ.
Nieŭzabavie kanstruktar pryjechaŭ na budplacoŭku, i rabočyja pačali źbirać pavierchi. Siońnia dom vyhladaje tak, byccam ničoha i nie było.
Najaŭnaść prablem u niadaŭnim minułym vydajuć chiba što pakul nie pafarbavanyja ŭ ahulny ton fasada pavierchi i niezašklonyja łodžyi.
Usiaho ž za minuły čas śpiecyjalistami było zmanciravana 114 žalezabietonnych elemientaŭ i 28 mietaličnych kanstrukcyj. Taksama rabočyja abnavili paciarpieły padjezd. Amal hatovaja i stracha nad treciaj siekcyjaj.
— Siońnia na abjekcie pracujuć 78 čałaviek. Uładkavańnie pakryćcia zavieršana na 90%, raboty pa ciepłaizalacyi fasadaŭ — na 60%. Taksama praviedzieny raboty pa ŭstanoŭcy akonnych błokaŭ u adramantavanych kvaterach i ŭ miescach ahulnaha karystańnia, — havoryć pieršy namieśnik dyrektara — hałoŭnaha inžyniera arhanizacyi «Homielrambud» Pavieł Korcha.
Na abjekcie praciahvajecca zamiena inžyniernych sietak. Adnoŭlena ŭsia elektryka ŭ kvaterach, viadziecca padrychtoŭka da zamieny raźmierkavalnych ščytkoŭ na leśvičnych kletkach.
Što tyčycca doma ŭ cełym, to jon pieražyvaje kapramont. Raboty pa zamienie stajakoŭ vodazabieśpiačeńnia i kanalizacyi ŭžo viaducca. Całkam zdać dom horadu budaŭniki abiacajuć da kanca červienia.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary