U milicyi minčuku patłumačyli, što jon vykonvaŭ zadańni machlaroŭ. Ale jon nie pasłuchaŭ
Milicyja zatrymała 25‑hadovaha cyrulnika, jaki praciahvaŭ vykonvać zadańni telefonnych ašukancaŭ navat paśla hutarki z sapraŭdnymi milicyjantami.
Kala miesiaca tamu mužčyna byŭ zatrymany milicyjantami za toje, što zabraŭ hrošy ŭ ašukanaha minčuka i pakinuŭ ich u tajniku dla nastupnaha kurjera.
Tady jon tłumačyŭ, što nie razumieŭ złačynnaści svaich dziejańniaŭ i dumaŭ, što dapamahaje ludziam abmianiać hrošy na kryptavalutu.
Adnak užo paśla zaviadzieńnia kryminalnaj spravy chłopiec dalej razmaŭlaŭ z kurataram i vykanaŭ jašče dva jaho zakazy ŭ Minsku i Salihorsku. Tam jon zabraŭ hrašovyja srodki ŭ pamiery amal 90 tysiač rubloŭ i pieradaŭ ich dalej pa złačynnym łancužku.
Za što atrymaŭ kala piaci tysiač rubloŭ.
Zaviedziejena kryminalnaja sprava za machlarstva ŭ asabliva bujnym pamiery. Chłopcu pahražaje pazbaŭleńnie voli ad troch da 12 hadoŭ.
Kamientary