Tramp zajaviŭ, što choča vałodać iranskaj naftaj i nie suprać zachopu vostrava Chark
Prezident ZŠA taksama skazaŭ, što nie bačyć prablemy ŭ pastaŭkach rasijskaj nafty na Kubu.
Donald Tramp zajaviŭ, što chacieŭ by zavałodać iranskaj naftaj i nie vyklučaje zachopu vostrava Chark, praź jaki Iran ekspartuje 90% nafty — hałoŭnaj krynicy dachodaŭ krainy, piša Bi-bi-si.
U intervju Financial Times u niadzielu Tramp skazaŭ, što «chacieŭ by zachapić naftu», paraŭnaŭšy mahčymy krok ź situacyjaj u Vieniesuele, dzie ZŠA nibyta majuć namier kantralavać naftavuju pramysłovaść «biesterminova» paśla zachopu vieniesuelskaha lidara Nikałasa Madura u studzieni.
«Ščyra kažučy, ja chacieŭ by zabrać naftu ŭ Iranie, ale niekatoryja durnyja ludzi ŭ ZŠA kažuć: «Navošta vy heta robicie?» Ale jany durnyja ludzi», — skazaŭ Tramp.
«Mahčyma, my zachopim vostraŭ Chark, a moža i nie. U nas šmat varyjantaŭ», — dadaŭ jon.
Donald Tramp taksama zajaviŭ u niadzielu, što nie bačyć prablemy ŭ pastaŭkach rasijskaj nafty na Kubu. Tankier z rasijskaj naftaj ciapier nabližajecca da vostrava, i amierykanskija ŭłady dazvolać jamu dasiahnuć punkta pryznačeńnia, niahledziačy na abvieščanuju ZŠA enierhietyčnuju błakadu Kuby.
«Kali jakaja-niebudź kraina choča ciapier adpraŭlać naftu na Kubu, u mianie niama z hetym prablem — niachaj heta budzie Rasija ci chto-niebudź inšy», — zajaviŭ Tramp.
Kuba pieražyvaje samy surjozny ekanamičny i enierhietyčny kryzis z časoŭ zakančeńnia Chałodnaj vajny, u značnaj stupieni z-za paliŭnaj błakady ZŠA. Na vostravie amal štodnia adbyvajucca adklučeńni elektraenierhii, rastuć ceny na leki i pradukty charčavańnia.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary