Uzimku zubram patrebnaja dadatkovaja padtrymka, kab jany nie pakutavali ad niedachopu kormu. Tamu jehierskaja słužba rehularna dastaŭlaje na padkormačnyja placoŭki dziasiatki ton siena i inšych karmoŭ. Za adzin zimovy siezon adna papulacyja zubroŭ moža źjeści da 50 ton siena, paviedamlaje pres-słužba Hrodzienskaha abłvykankama.
Charčavańnie hetych žyvioł pavinna być nie tolki sytnym, ale i bahatym na vitaminy i karysnyja rečyvy. Pry nieabchodnaści ŭ korm dadajuć minieralnyja sumiesi abo lekavyja preparaty.
Asobnaje miesca ŭ racyjonie zajmaje sol, jakaja źjaŭlajecca sapraŭdnym łasunkam dla zubroŭ. Dziela jaje na sałancy prychodziać navat samyja aściarožnyja žyvioły, jakich redka možna ŭbačyć na adkrytych palach.
Jak adznačyŭ hałoŭny śpiecyjalist palaŭniča-rybałoŭnaj haspadarki SPK «Aziory Hrodzienskaha rajona» Stanisłaŭ Baśko, u haspadarcy abstalavana 20 sałancoŭ. Zahadzia, jašče letam, tut narychtoŭvajuć kala 50 ton siena, prykładna 100 ton burakoŭ i kala 50 ton jabłykaŭ dla zimovaha kormu.
Padčas zdymak adbyŭsia pakazalny vypadak: nie prajšło i paŭhadziny paśla taho, jak rabotniki pryvieźli pryčep z kormam, jak statak zubroŭ užo sabraŭsia kala karmušak i pačaŭ jeści.
Pieršyja 18 zubroŭ byli zaviezienyja ŭ Hrodzienski rajon ź Biełaviežskaj puščy ŭ 1997 hodzie. Siońnia tut znachodzicca treci pa kolkaści pahałoŭja statak u Biełarusi — kala 600 žyvioł, i jaho kolkaść praciahvaje pastupova raści.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2525
Kamientary