Na videa, jakoje stała virusnym u sacsietkach, bačna sabaku, jaki biažyć, a pierad im na lasnuju ściežku pa čarzie vychodziać piać mahutnych zubroŭ. Aŭtarka videa adznačyła, što heta jašče nie ŭvieś statak — niekalki źviaroŭ u kadr nie trapili, piša Blizko.by.
Miesca zdymki videa — Biarezinski rajon, niepadalok ad vioski Čyžacha.
Karystalniki adznačali, što heta vielmi malaŭničaja miascovaść, dzie možna ŭbačyć roznych lasnych žycharoŭ:
«U tych lasach možna sustreć kaho zaŭhodna. Adnojčy za vioskaj Viašeŭka ja sustreŭ paru — vaŭka i vaŭčycu. My spakojna razhledzieli adzin adnaho mietraŭ ź dziesiaci i hetak ža mirna razyšlisia ŭ roznyja baki. A na ŭskrajku taho ž lesu bačyŭ miadźviedzicu ź miedźviedzianiom, jany tam niešta ci kahości žerli. Praŭda, naziraŭ za imi z adlehłaści ŭ mietraŭ 100+, ale ŭražańniaŭ usio adno atrymaŭ vyšej za dach».
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?4
Kamientary