U sacsietkach i školnych čatach apošnim časam staŭ šyrycca miem «6-7». Jak da hetaha stavicca?
Miem «6—7» źjaviŭsia paśla videa hulca amierykanskaj baskietbolnaj lihi NBA Łamieła Boła (LaMelo Ball), u jakim prahučaŭ rep-radok «six, seven» — adsyłka da jaho rostu (6 futaŭ 7 dziujmaŭ).
Z časam voklič pieravandravaŭ na školnyja placoŭki, u hrupavyja čaty i sacsietki, dzie pačaŭ žyć ułasnym žyćciom. Videa, dzie dzieci vyhukvajuć «6-7» i robiać «baskietbolnyja» ruchi rukami, zapoŭnili internet.
Hetaja fraza kali i maje sens, to vielmi razmyty, situacyjny. Jaje vykrykvajuć prosta jak prykoł. Papiarednim takim miemam było «bambardzira-krakadziła».
Uvohule, treba adznačyć, što dziciačy humar uvieś čas mianiajecca. Sučasnyja dzieci lubiać absurdnyja, časam, zdavałasia b, biessensoŭnyja žarty. Ničoha kiepskaha ŭ hetym niama: taki humar zdymaje psichałahičnaje napružańnie i jadnaje.
Kamientary