У сацсетках і школьных чатах апошнім часам стаў шырыцца мем «6-7». Як да гэтага ставіцца?
Мем «6—7» з’явіўся пасля відэа гульца амерыканскай баскетбольнай лігі NBA Ламела Бола (LaMelo Ball), у якім прагучаў рэп-радок «six, seven» — адсылка да яго росту (6 футаў 7 дзюймаў).
З часам вокліч перавандраваў на школьныя пляцоўкі, у групавыя чаты і сацсеткі, дзе пачаў жыць уласным жыццём. Відэа, дзе дзеці выгукваюць «6-7» і робяць «баскетбольныя» рухі рукамі, запоўнілі інтэрнэт.
Гэтая фраза калі і мае сэнс, то вельмі размыты, сітуацыйны. Яе выкрыкваюць проста як прыкол. Папярэднім такім мемам было «бамбардзіра-кракадзіла».
Увогуле, трэба адзначыць, што дзіцячы гумар увесь час мяняецца. Сучасныя дзеці любяць абсурдныя, часам, здавалася б, бессэнсоўныя жарты. Нічога кепскага ў гэтым няма: такі гумар здымае псіхалагічнае напружанне і яднае.
Каментары