Arhanizacyja pramych telefonnych pieramovaŭ pamiž kiraŭnikami dźviuch vajujučych krain stanie dla Trampa «dypłamatyčnaj pieramohaj».
Pieramovy prezidentaŭ ZŠA i Ukrainy Donalda Trampa i Uładzimira Zialenskaha mohuć pryvieści da pieršaj za bolš čym piać hadoŭ telefonnaj razmovy ŭkrainskaha lidara z Uładzimiram Pucinym, paviedamiła Fox News sa spasyłkaj na infarmavanuju krynicu.
Pavodle jaje słoŭ, arhanizacyja pramych telefonnych pieramovaŭ pamiž kiraŭnikami dźviuch vajujučych krain stanie dla amierykanskaha prezidenta «dypłamatyčnaj pieramohaj».
«Tramp vyhladaje samym paśpiachovym pasiarednikam, bo jany abodva — Pucin i Zialenski — usprymajuć adzin adnaho emacyjna, i heta vyklik», — patłumačyŭ surazmoŭca telekanała.
Jon nahadaŭ, što rasijski i ŭkrainski prezidenty nie razmaŭlali ź lipienia 2020 hoda, kali Kijeŭ pravioŭ apieracyju suprać najmitaŭ PVK «Vahnier», zamaniŭšy ich u Biełaruś. Pry hetym Zialenski nieadnarazova sprabavaŭ damovicca pra telefonnuju razmovu z Pucinym, adnak apošni admaŭlaŭsia.
«U žniŭni i vieraśni 2024 hoda byli mahčymaści dla razmovy, ale jany znoŭ źnikli, kali Ukraina ŭvarvałasia ŭ Kurskuju vobłaść», — adznačyła krynica. U toj ža čas jašče da razryvu kamunikacyj adnosiny pamiž kiraŭnikami dźviuch krain byli napružanymi. «Padčas pieramovaŭ Pucin zaŭsiody maŭčaŭ, a Zialenski sprabavaŭ naładzić kantakt», — dadaŭ surazmoŭca Fox News.
-
Junak z Buracii try hady maryŭ vajavać va Ukrainie. Padpisaŭ kantrakt na nastupny dzień paśla 18‑hodździa — i praz dva miesiacy zahinuŭ
-
Donald Tusk dapuskaje pramyja rasijskija ŭdary pa terytoryi Polščy ŭ najbližejšy čas
-
U čas udaru pa ŭkrainskim pamiežnym pierachodzie tam byli jeŭrapiejskija daradcy pa biaśpiecy i Borys Džonsan
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary