Арганізацыя прамых тэлефонных перамоваў паміж кіраўнікамі дзвюх ваюючых краін стане для Трампа «дыпламатычнай перамогай».
Перамовы прэзідэнтаў ЗША і Украіны Дональда Трампа і Уладзіміра Зяленскага могуць прывесці да першай за больш чым пяць гадоў тэлефоннай размовы ўкраінскага лідара з Уладзімірам Пуціным, паведаміла Fox News са спасылкай на інфармаваную крыніцу.
Паводле яе слоў, арганізацыя прамых тэлефонных перамоваў паміж кіраўнікамі дзвюх ваюючых краін стане для амерыканскага прэзідэнта «дыпламатычнай перамогай».
«Трамп выглядае самым паспяховым пасярэднікам, бо яны абодва — Пуцін і Зяленскі — успрымаюць адзін аднаго эмацыйна, і гэта выклік», — патлумачыў суразмоўца тэлеканала.
Ён нагадаў, што расійскі і ўкраінскі прэзідэнты не размаўлялі з ліпеня 2020 года, калі Кіеў правёў аперацыю супраць наймітаў ПВК «Вагнер», заманіўшы іх у Беларусь. Пры гэтым Зяленскі неаднаразова спрабаваў дамовіцца пра тэлефонную размову з Пуціным, аднак апошні адмаўляўся.
«У жніўні і верасні 2024 года былі магчымасці для размовы, але яны зноў зніклі, калі Украіна ўварвалася ў Курскую вобласць», — адзначыла крыніца. У той жа час яшчэ да разрыву камунікацый адносіны паміж кіраўнікамі дзвюх краін былі напружанымі. «Падчас перамоваў Пуцін заўсёды маўчаў, а Зяленскі спрабаваў наладзіць кантакт», — дадаў суразмоўца Fox News.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі15
Каментары