Hałoŭčanka: Praz hod ZVR Biełarusi pavinny skłaści nie mienš za 9,2 młrd dalaraŭ
Zołatavalutnyja reziervy Biełarusi pa vynikach 2026 hoda pavinny skłaści nie mienš za $9,2 młrd. Pra heta zajaviŭ staršynia praŭleńnia Nacbanka Raman Hałoŭčanka pa vynikach pasiadžeńnia praŭleńnia, na jakim byli zaćvierdžany asnoŭnyja napramki hrašova-kredytnaj palityki Biełarusi na 2026 hod, piša BiełTA.

«Pakazčyk zołatavalutnych reziervaŭ na 2026 hod — nie mienš za $9,2 młrd, bo ceny vałacilnyja, u pryvatnaści na mietały, a taksama napieradzie pahašeńnie dziaržaŭnaha doŭhu. Nie mienš za $9,2 młrd — heta biaśpiečny pakazčyk. Kali budzie bolš — to dobra», — skazaŭ Raman Hałoŭčanka.
Pa vynikach 2024 hoda zołatavalutnyja reziervy vyraśli da $9 młrd dalaraŭ, a ŭ sakaviku 2025 hoda ŭziali płanku ŭ $10 młrd dalaraŭ. U mai — 11 młrd, u žniŭni — 12 młrd, u vieraśni — 13 młrd.
Na 1 śniežnia 2025 hoda, zołatavalutnyja reziervy Biełarusi pavialičylisia da $13,9 młrd.
Kamientary