U sučasnym śviecie 10% bahaciejaŭ zarablajuć bolš, čym rešta nasielnictva Ziamli
Daśledavańni pakazali, što hłabalnaja niaroŭnaść pamiž bahatymi i biednymi dasiahnuła krajniaj stupieni. Pavodle spravazdačy «Niaroŭnaść u śviecie ŭ 2026 hodzie» ad The World Inequality Lab, 10% ludziej z samymi vysokimi dachodami zarablajuć bolš, čym usie astatnija 90% razam uziatyja.
Pa koštu aktyvaŭ 75% usiaho bahaćcia znachodzicca ŭ rukach hetych 10%, tady jak na dolu najbiadniejšaj častki nasielnictva prypadaje tolki 2%. Pry hetym mienš za 60 tysiač multymiljanieraŭ (0,001% nasielnictva) kantralujuć u try razy bolš bahaćcia, čym pałova čałaviectva.
Spravazdača taksama zaśviedčyła hiendernuju niaroŭnaść: žančyny ŭ siarednim zarablajuć tolki 61% ad zarobku mužčyn za hadzinu pracy. Bolš taho, bahataja mienšaść u asnoŭnym adkaznaja za źmianieńnie klimatu: na jaje dolu prypadaje 77% škodnych vykidaŭ CO₂, źviazanych z pryvatnaj ułasnaściu, u toj čas jak na biadniejšuju pałovu — tolki 3%.
Najaŭnaja niaroŭnaść raście z 1990‑ch hadoŭ: bahaćcie multymiljanieraŭ štohod pavialičvajecca pryblizna na 8%, amal udvaja chutčej, čym bahaćcie astatniaha nasielnictva. Daśledčyki padkreślivajuć, što ekstremalnaja niaroŭnaść pahražaje stabilnaści ekanomiki, demakratyi i ekasistemam, i patrabuje terminovych mieraŭ pa jaje źmianšeńni.
Spravazdača vychodzić raz u čatyry hady z 2018 hoda ŭ supracoŭnictvie z Prahramaj raźvićcia AAN i vykarystoŭvaje danyja 200 navukoŭcaŭ z usiaho śvietu. Jana lažyć u asnovie abmierkavańniaŭ pa fiskalnych reformach, padatkaabkładańni bahatych i pieraraźmierkavańni dachodaŭ.
Paramount, uznačaleny blizkim da Trampa miljarderam, ustupiŭ u baraćbu z Netflix za Warner Bros
Jeŭrakamisija aštrafavała Ch za nieprazrystaść i ptušačku, «jakaja ŭvodzić u zman». Iłan Mask zaklikaŭ raspuścić ES
Byłaja baleryna stała samaj maładoj miljarderkaj śvietu, jakaja zarabiła svoj kapitał samastojna
Siamja byłoha dyrektara FSB Patrušava skupiła nieruchomaści na $175 miljonaŭ
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary