Maryja Karyna Mačada nie pryjedzie na ŭručeńnie Nobieleŭskaj premii miru praz pahrozy z boku Nikałasa Madura
Paśla pahroz z boku aŭtarytarnaha kiraŭnictva svajoj krainy sioletniaja łaŭreatka Nobieleŭskaj premii miru Maryja Karyna Mačada ź Vieniesueły nie voźmie ŭdziełu ŭ cyrymonii ŭznaharodžańnia ŭ Osła.
Zamiest Maryi Karyny Mačada na cyrymoniju ŭručeńnia Nobieleŭskaj premii miru ŭ Osła pryjedzie dačka łaŭreatki. Cyrymonija adbudziecca siońnia.
Heta paćvierdziŭ dyrektar Narviežskaha Nobieleŭskaha instytuta Krycćjan Bierh Charpvikien. Pavodle jaho słoŭ, dačka Mačada taksama vystupić z pramovaju, jakuju napisała jaje maci. Dzie znachodzicca sama Mačada, jon nie viedaje.
U kastryčniku Nobieleŭski kamitet prysudziŭ premiju Maryi Karynie Mačada «za jaje niastomnuju baraćbu za demakratyčnyja pravy naroda Vieniesueły i za jaje namahańni pa zabieśpiačeńni spraviadlivaha i mirnaha pierachodu ad dyktatury da demakratyi».
Mačada pryśviaciła ŭznaharodu «pakutnamu narodu Vieniesueły», a taksama prezidentu ZŠA Donaldu Trampu za jaho padtrymku vieniesuelskaj apazicyi. Paśla hetaha aŭtarytarny prezident Vieniesueły Nikałas Madura pačaŭ pahražać Mačada.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary