Urad padkarektavaŭ sistemu cenavaha rehulavańnia. Asablivaja ŭvaha — na ahurki i pamidory
Premjer-ministr Biełarusi Alaksandr Turčyn padpisaŭ pastanovu Savieta Ministraŭ, jakaja ŭnosić šerah źmienaŭ u sistemu cenavaha rehulavańnia. Jak adznačajecca ŭ dakumiencie, asnoŭnaja meta — praduchileńnie śpiekulatyŭnaha rostu cen i abhruntavańnie pavyšeńnia cenaŭ vytvorcami.
U pryvatnaści, urad uziaŭ pad kantrol rost cen na ahurki i pamidory. Ciapier vytvorcy nie zmohuć pavyšać ceny na hetyja pradukty bolš čym na 0,3% u miesiac biez papiaredniaha abhruntavańnia pierad Kamisijaj pa pytańniach dziaržaŭnaha rehulavańnia cenaŭ pry Saviecie Ministraŭ.
Novyja praviły praduhledžvajuć admienu niekatorych administracyjnych pracedur: ciapier nie patrabujecca ŭzhadnieńnie realizacyi biełaruskich spažyvieckich tavaraŭ dla ich prodažu za miažoj. Heta, jak padkreślivajecca, pavinna spraścić ekspart i źnizić biurakratyčnyja barjery.
Akramia taho, skaračajecca śpis tavaraŭ, na jakija raspaŭsiudžvajecca cenavaje rehulavańnie — z 211 da 199 pazicyj. U śpis rehulavanych tavaraŭ uniesieny karektyvy: źmieny tyčacca kancylarskich tavaraŭ, marožanaj ryby i sokavaj pradukcyi.
Admienienyja abmiežavańni na stymulacyjnyja vypłaty i ŭznaharodžańni, jakija mohuć davacca pastaŭščykami za kuplu impartnych niecharčovych tavaraŭ, za pasłuhi pa prasoŭvańni pradukcyi i inšyja vidy zaachvočvańnia. Taksama z rehulavańnia vyklučajucca tavary, jakija pradajucca ŭ ciahnikach mižnarodnaha spałučeńnia.
U pastanovie praduhledžvajecca pavyšeńnie maksimalnych nadbavak na dziciačyja cacki i linoleum, što dazvolić roźničnym handlaram bolš hnutka farmiravać ceny na hetyja tavary.
Inšyja važnyja źmieny ŭklučajuć padaŭžeńnie da kanca 2026 hoda prava abłvykankamaŭ i Minharvykankama zaćviardžać śpis arhanizacyj i apieracyj, pamiž jakimi dazvoleny tavarny abmien. Taksama ŭdakładniajucca padychody da farmiravańnia cen pastaŭščykami i zakupščykami, jakija nie źjaŭlajucca vytvorcami, u ramkach dziaržaŭnaj zamovy na płodaaharodninu.
Źmieny ŭ sistemie cenavaha rehulavańnia ŭstupajuć u siłu paśla aficyjnaj publikacyi pastanovy Savieta Ministraŭ.
Ciapier čytajuć
Łukašenka zajaviŭ pra hatoŭnaść pryjechać u Kijeŭ70
Kamientary