Čynoŭniki publična pryznali, što bulby ŭ kramach nie chapiła z-za rehulavańnia cen
U Rasiju pradavać było bolš vyhadna.
Raźbirajučysia z prablemami z bulbaj u prodažy, Ministerstva antymanapolnaha rehulavańnia i handlu pryznała parušeńnie kankurencyi pa čatyroch pastaŭščykach pradukcyi stabfondam.
Jak raskazała namieśnik ministra Natalla Vasileŭskaja ŭ intervju telekanału «Pieršy infarmacyjny», pradukcyja była dobraj jakaści, ale ŭ sietku nie pastaŭlałasia. Pryčyna — u cenavym rehulavańni i dysparytecie cen. U krasaviku bulba ŭ Biełarusi była na 50% tańniejšaja za bulbu ŭ Rasii. U červieni heta roźnica ŭ canie skaraciłasia da 9%.
Na fonie heta pryniali zakon, jaki praduhledžvaje administracyjnuju adkaznaść pastaŭščykoŭ i handlovych sietak za nievykanańnie abaviazkaŭ pa pastaŭcy płodaaharodninnaj pradukcyi. Za parušeńnie — štraf u pamiery ad 5 da 200 bazavych vieličyń (pa stanie na 2025 hoda heta ad 210 da 8400 rubloŭ).
U MARH patłumačyli, što ŭ mižsiezońnie abaviazkova musiać być u prodažy jabłyki i barščavy nabor — bulba, buraki, morkva, cybula, kapusta.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary