Pradstaŭnica MZS Litvy: Dziejańni Biełarusi — sproba prykryć ułasnuju złamysnuju dziejnaść
Paśla taho jak MZS Biełarusi abvinavaciŭ Litvu ŭ parušeńni pavietranaj prastory krainy i nibyta pa hetaj pryčynie vyklikaŭ časovaha pavieranaha ŭ spravach pasolstva Litvy, pres-sakratar ministra zamiežnych spraŭ Litvy Kiastucisa Budrysa Kryścina Bielikava zajaviła, što MZS daviedaŭsia pra vyklik z adkrytych krynic, piša Delfi.lt.
«Pra nibyta vyklikanaha ŭ MZS Biełarusi litoŭskaha dypłamata my daviedalisia z paviedamleńniaŭ u sacyjalnych sietkach. Paśla pravierki vyśvietliłasia, što na toj momant časovy pavierany ŭ spravach Litvy nijakaha zaprašeńnia nie atrymlivaŭ. Zaprašeńnie źjavicca ŭ MZS Biełarusi jon atrymaŭ tolki praz hadzinu», — paviedamiła Bielikava ŭ pres-relizie.
Jak zajaviła pradstaŭnica Budrysa, takija dziejańni Minska razhladajucca jak niaŭdałaja sproba schavać škodu, jakuju jany sami nanosiać.
«My razhladajem hetyja adčajnyja dziejańni biełaruskaha režymu jak čarhovuju niaŭdałuju sprobu prykryć svaju ŭłasnuju złamysnuju dziejnaść», — zajaviła jana. «My zaklikajem jak maha chutčej pryniać usie ŭžo nieadnarazova zhadanyja miery dla ŭrehulavańnia situacyi — spynić hibrydnyja ataki na dziaržavy — členy ES, zabiaśpiečyć naležny kantrol nad svajoj terytoryjaj i pavietranaj prastoraj, a taksama viarnuć litoŭskim hramadzianam i kampanijam naležnuju im majomaść, niezakonna adabranuju biełaruskimi ŭładami», — padkreśliła Bielikava.
Jak paviedamlałasia raniej, u paniadziełak MZS Biełarusi abvinavaciŭ Litvu ŭ parušeńni pavietranaj prastory krainy bieśpiłotnika.
Jak paviedamlaje biełaruskaje viedamstva, 30 listapada «latalny aparat samalotnaha typu» pierasiek miažu z boku Łaździjskaha rajona Litvy i ŭpaŭ na terytoryi Hrodna.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka3
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2525
Kamientary