Daradcy Cichanoŭskaj bačylisia z namieśnikam ministra zamiežnych spraŭ Biełarusi na samicie ABSIE
Pra što jany havaryli miž saboj u kułuarach?
Na samicie ABSIE, jaki prachodziŭ u Vienie 4‑5 śniežnia, prysutničali dźvie delehacyi ad Biełarusi — ad Ministerstva zamiežnych spraŭ i ad demakratyčnych sił.
Padčas hetaj ministerskaj sustrečy namieśnik ministra zamiežnych spraŭ Biełarusi Ihar Sakreta havaryŭ pra žadańnie režymu vieści dyjałoh. Ale razam z tym admaŭlaŭ palityčnyja represii.
«Delehacyja Biełarusi vymušanaja adreahavać na zajavy ŭ hetaj zale šerahu dziaržaŭ, jakija adnosiać siabie da tak zvanaj «hrupy siabroŭ demakratyčnaj Biełarusi». Hetyja zajavy źjaŭlajucca ni čym inšym jak naboram palityzavanych štampaŭ padvojnych standartaŭ, jakija pierakručana padajuć realnuju situacyju ŭ Biełarusi», — kažacca ŭ zajavie delehacyi.
«Dapamoha z boku zamiežnych dabrachotaŭ u «padrychtoŭcy demakratyčnaj budučyni» krainy biełarusam nie patrebnaja. Bolš za toje, sproby naviazać Biełarusi avanturnyja palityčnyja scenary zvonku — heta pramoje parušeńnie pryncypu nieŭmiašańnia. (…) Jašče raz paŭtarajem: Biełaruś adkrytaja dla dyjałohu — ale tolki pavažlivaha i raŭnapraŭnaha. Šantaž, cisk i manipulacyi pad vyhladam «pravaabarončaj zakłapočanaści» takomu dyjałohu nie tolki nie spryjajuć, a naadvarot — kančatkova rujnujuć jaho», — davodziła delehacyja.
Pra kułuary sustrečy «Našaj Nivie» raskazaŭ daradca Cichanoŭskaj Dzianis Kučynski.
«U pierapynku my z Franakam Viačorkam padyšli da Sakrety, kažam: dyk davajcie razmaŭlać. Ale dyjałoh pavinien być najpierš ź biełarusami. Ja pryhadaŭ našu razmovu ŭ Chielsinki: ci vy sapraŭdy hatovyja? Dyjałoh patrebny, jak vy kažacie. Pra vychad z kryzisu, pra vybary. My adkrytyja i hatovyja havaryć z usimi.
Vyhladała, što jon chvalavaŭsia, ale vydaŭ režymny paradak dnia, što my za sankcyi i zdradzili. My kažam, dyk davajcie pracavać nad tym, kab sankcyi zdymali, i my i vy viedajecie, što treba dla hetaha zrabić»,
— pryvioŭ niekatoryja detali taho dyjałohu Kučynski.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary