Jeŭrasajuz i G7 rychtujuć poŭnuju zabaronu na marskija pieravozki rasijskaj nafty
Krainy Jeŭrasajuza i «vialikaj siamiorki» abmiarkoŭvajuć značnaje ŭzmacnieńnie sankcyj suprać rasijskaj nafty. Havorka idzie pra poŭnuju zabaronu na akazańnie lubych pasłuh, źviazanych z marskoj pieravozkaj rasijskaj nafty, paviedamlaje Reuters sa spasyłkaj na šeść krynic, znajomych z prajektam.
Novyja sankcyi pavinny pryjści na źmienu najaŭnamu miechanizmu «cenavaj stoli», jaki dziejničaje z kanca 2022 hoda. Prajekt razhladajecca ŭ miežach novaha pakieta sankcyj, jaki čakajecca ŭ pačatku 2026 hoda.
Ciapier zachodnija tankiery i strachavyja kampanii mohuć udzielničać u transparciroŭcy rasijskaj nafty, kali jana pradajecca nižej za ŭstanoŭleny limit (raniej $60, ciapier kala $47,6 za barel). Pryblizna tracina rasijskaj nafty pieravozicca sudnami z krain ES i G7, pieravažna hrečaskimi.
Płanavanaja zabarona pavinna całkam spynić takuju praktyku. Pavodle Reuters, Jeŭrasajuz užo maje ŭ hetym padtrymku Vialikabrytanii i ZŠA, ale kančatkovaje rašeńnie administracyi Donalda Trampa budzie zaležać ad jaje palityki pa ŭkrainskim pytańni.
Pavodle CREA, u kastryčniku 38% rasijskaj nafty pieravozili tankiery G7, astatniaje — tak zvany «cieniavy fłot», jaki Rasija sabrała dla abychodu sankcyj. U transpartavańni naftapraduktaŭ udzieł zachodnich sudnaŭ jašče bolšy — kala 79%.
Usiaho ŭ «cieniavy fłot», jaki, akramia rasijskaj, taksama pieravozić naftu Irana i Vieniesueły, uvachodziać bolš za 1400 tankieraŭ, ź jakich 921 užo pad sankcyjami ZŠA, Vialikabrytanii ci ES.
3 śniežnia Jeŭrasajuz abmiarkuje novyja sankcyi
Rasija stračvaje kantrol nad Uschodniaj Jeŭropaj — ale razmova nie pra Biełaruś
ZŠA hatovyja ŭvieści dadatkovyja sankcyi suprać Rasii, ale pakul čakajuć rašučych krokaŭ z boku Jeŭropy
Kožny šosty naftavy tankier u śviecie naležyć da rasijskaha «cieniavoha fłotu»
Narviežskaja afiera Kramla: jak cieniavy fłot Rasii atrymlivaŭ falšyvyja strachoŭki
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
usio tak, Maskoŭski impieryjalizm heta nafta - haz, “Załataja arda” (Maskoŭskaja impieryja) moža vykanać svoj biudžet tolki pry canie URAŁS nafty $42,4 i vyšej. Siońnia košt na skradzienuju ŭ Sibirskich narodaŭ naftu(urałs) $36, zhodna BŁUMBIERH . I heta hałoŭnaja častka pakojnaha planu Trampa & Jeŭra zviaza ))