Prezident ZŠA Donald Tramp staŭ łaŭreatam «Premii miru» ad FIFA. Uznaharodu jamu asabista ŭručyŭ kiraŭnik arhanizacyi Džani Infancina padčas losavańnia čempijanata śvietu, jaki maje adbycca ŭ nastupnym hodzie ŭ ZŠA, Kanadzie i Mieksicy.
U zajavie FIFA adznačajecca, što Tramp nibyta padtrymaŭ namahańni pa pasiarednictvie ŭ dasiahnieńni pieramirja i spryjaŭ dypłamatyčnym kantaktam.
Sam Tramp, kamientujučy atrymańnie premii, skazaŭ, što ŭznaharody jaho nie cikaviać: «Mnie nie patrebnyja premii. Mnie treba ratavać žyćci».
Jak adznačajecca na sajcie FIFA, premija miru prysudžajecca «ludziam, jakija ździejśnili vyklučnyja i ekstraardynarnyja dziejańni dziela miru i tym samym abjadnoŭvajuć ludziej pa ŭsim śviecie». Tramp staŭ pieršym jaje łaŭreatam.
Atrymaŭšy ŭznaharodu, prezident ZŠA paŭtaryŭ, što namahańniami jaho administracyi ŭžo było spyniena «vosiem vojnaŭ» pa ŭsim śviecie. Na cyrymonii zhadvalisia zasłuhi Trampa ŭ dasiahnieńni pieramirja ŭ siektary Haza, a taksama sproby jaho administracyi damahčysia spynieńnia vajny va Ukrainie.
Rašeńnie ab zasnavańni premii było abjaŭlena prezidentam FIFA Džani Infancina ŭ listapadzie 2025 hoda biez papiaredniaha ŭchvaleńnia Rady arhanizacyi. Hety krok vyklikaŭ krytyku z boku ekśpiertaŭ i pravaabaroncaŭ, bo mnohija ź ich miarkujuć, što ŭznaharoda była stvorana śpiecyjalna dla Trampa.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary