Prezident Vieniesueły Nikałas Madura praktyčna vyčarpaŭ mahčymaści pakinuć krainu pad harantyi biaśpieki z boku ZŠA paśla telefonnaj razmovy z Donaldam Trampam u kancy listapada, paviedamlaje Reuters sa spasyłkaj na krynicy.
Prezidenty razmaŭlali 21 listapada na fonie taho, jak ZŠA, naroščvajučy cisk na Vieniesuełu, nakiravali ŭ Karybskaje mora vajennuju eskadru na čale z najbujniejšym u śviecie avijanoscam «Džerald Ford». Ich razmova ciahnułasia kala 15 chvilin.
Padčas razmovy Madura, pavodle danych troch krynic Reuters, paviedamiŭ Trampu, što hatovy pajści ŭ adstaŭku i pakinuć Vieniesuełu, kali ź jaho i členaŭ jaho siamji buduć źniaty sankcyi, a taksama im budzie harantavanaja pravavaja amnistyja. Taksama jon prasiŭ amnistavać kala sta čałaviek z kiraŭnictva krainy.
Tramp, pavodle słoŭ krynic ahienctva, nie zhadziŭsia na hetyja ŭmovy i daŭ Madura tydzień, kab toj pakinuŭ krainu. Hety termin skončyŭsia 28 listapada, paśla čaho Tramp abviaściŭ u Truth Social ab zakryćci pavietranaj prastory nad Vieniesuełaj.
Pavodle danych krynic Reuters, administracyja Madura zapytała jašče adnu razmovu z Trampam, ale damoŭlenaści niama.
ZŠA abvinavačvajuć Vieniesuełu i jaje prezidenta ŭ paturańni narkatrafiku i rehularna nanosiać udary pa jaje sudnach, jakija nibyta pieravoziać narkotyki. U Vieniesuele admaŭlajuć abvinavačańni i razhladajuć cisk ZŠA jak sprobu źmiaścić Madura.
Tramp zajaviŭ pra zakryćcio pavietranaj prastory nad Vieniesuełaj
Łukašenka: Pieradajcie Madura, što my jaho zaŭsiody ŭ Biełarusi čakajem
U administracyi Trampa abmiarkoŭvajuć płan pa likvidacyi prezidenta Vieniesueły
Madura prapanavaŭ pajści ŭ adstaŭku ciaham dvuch-troch hadoŭ. Bieły dom patrabuje syści nieadkładna
Kamientary