«Toyota kidałasia z pałasy ŭ pałasu». Na hałoŭnym praśpiekcie Minska adbylisia razborki
U kanfliktnaj situacyi ŭdzielničali dvoje: kiroŭca Toyota i Lada. Ich niaprostyja ŭzajemaadnosiny trapili na zapis videarehistratara.
— Videa z pačatkam kanfliktu ŭ mianie nie zachavałasia, zastałosia tolki toje, što paličyŭ niebiaśpiečnym i tamu zachavaŭ, — raspavioŭ Onliner aŭtar videa. — Ale ŭsio pačałosia jašče nasuprać Maskoŭskich mohiłak. Lada jechała z maksimalna dazvolenaj chutkaściu, a Toyota kidałasia z pałasy ŭ pałasu, stvarajučy niebiaśpiečnyja situacyi. Ja sam, naprykład, starajusia prapuskać «śpiešunoŭ». Ale Lada realna pry ŭsiakim žadańni prapuścić nie było kudy dziecca: pałosy byli zaniatyja. A Toyota manieŭravała pa ŭsioj šyryni prajeznaj častki, potym pryjechała da Lada, miarkuju, mihnuła farami i patrabavała prapuścić. Toje, što adbyłosia dalej, možna acanić pa videa. I, choć bačna ź vialikaj adlehłaści nie vielmi dobra, lohka razhledzieć, jak adzin aŭtamabil apieradžaje druhi pa raździalalnaj zonie.
— Apiaredziŭšy Lada, kiroŭca Toyota, jak mnie zdajecca, pačaŭ jaje «vučyć» — heta vidać pa stop-sihnałach, — praciahvaje surazmoŭca. — A ŭ kancy Toyota stajała z usimi na śviatłafory ŭ kancy praśpiekta. To-bok śpiašacca było nie treba, ja jaje biez prablem apiaredziŭ bieź lišnich manieŭraŭ, sa stabilnaj chutkaściu 75—78 km/h.
Kamientary