Bujny polski bank pahražaje zabłakavać karty biełarusam biez DNŽ
Šmat biełarusaŭ atrymali ad polskaha banka PKO Bank Polski (PKO) paviedamleńni pra mahčymuju błakiroŭku apieracyj pa rachunku, kali jany nie pradjaviać dziejny dazvoł na žycharstva (DNŽ). Most patelefanavaŭ u bank ad imia klijenta i vyśvietliŭ padrabiaznaści
U papiaredžańni havorycca, što klijenty pavinny pryjści ŭ adździaleńnie i paćvierdzić svaje piersanalnyja dadzienyja. Dla hetaha patrebien DNŽ abo inšyja dakumienty, jakija dajuć prava na znachodžańnie ŭ Polščy.
U advarotnym vypadku bank papiaredžvaje pra: stratu dostupu da mabilnaha i internet‑bankinhu, telefonnaha servisu; niemahčymaść rabić pieravody i apłaty praź sistemu imhniennych płaciažoŭ BLIK; błakadu kartki, jakaja pryviazana da rachunku.
Pry hetym adznačajecca, što klijent zmoža absłuhoŭvać svoj rachunak tolki ŭ adździaleńniach banka.
Na infalinii PKO, kudy žurnalist MOST telefanavaŭ ad imia klijenta — hramadzianina Biełarusi, paćvierdzili, što takija dziejańni mohuć być pryniatyja. Kansultant spasłałasia na rašeńnie Rady Jeŭrapiejskaha sajuza ad 23 kastryčnika 2025 hoda, datyčnaje abmiežavalnych mieraŭ u suviazi ź situacyjaj u Biełarusi i ŭdziełam jaje ŭ ahresii Rasii suprać Ukrainy.
Prymajucca pašpart abo id‑kartka krainy ES/JEEZ, ci dziejučy časovy abo pastajanny DNŽ (karta pobytu).
Kansultant adznačyła, što inšych dakumientaŭ u śpisie niama. Ale klijentam z časovym paśviedčańniem asoby čužaziemca (TZTC — vydajecca na čas čakańnia mižnarodnaj abarony) varta źviarnucca ŭ adździaleńnie banka dla vyrašeńnia pytańnia.
Na pytańnie, što rabić tym, chto padaŭ dakumienty na DNŽ, ale jašče nie dačakaŭsia rašeńnia, kansultant adkazała, što pra takija vypadki ničoha nie viadoma
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary