Life abviaściŭ pra rebrendynh. Źmieny stali vynikam transfarmacyi brenda: palapšeńnia sietki i IT-infrastruktury, pašyreńnia handlovaj sietki, evalucyi ŭ praduktavych rašeńniach i, jak vynik, — abjadnańnia servisaŭ u adzinuju ekasistemu, paviedamlaje pres-słužba mabilnaha apieratara.
Smajlik adyšoŭ u minułaje, a jaho miesca zaniaŭ znak u formie simvała L — vialikaj litary brenda.
«Dynamičny, lotny simvał abjadnaŭ technałohii i emocyi. U im možna ŭbačyć vobraz bumieranha — sihnał, jaki adpraŭlajecca i viartajecca, matylka — simvał lohkaści, i navat serca, u jakim adlustroŭvajecca empatyja i čałaviečnaść brenda. Napisańnie apieratara źmianiłasia z life:) na Life», — paviedamlaje pres-słužba.
— Novy słohan «Tak lohka» adlustroŭvaje hałoŭnuju ideju i misiju Life, — kamientuje Erdał Jajła, hienieralny dyrektar apieratara. — Abjadnoŭvajučy pradukty i servisy ŭ adzinaje asiarodździe, my robim ličbavy dośvied prostym i lohkim: kab našym abanientam było lohka vybrać, padklučyć, apłacić i być na suviazi. Toj ža pryncyp my prymianiajem i da našych praduktaŭ: jany pavinny być intuityŭna zrazumiełymi, zručnymi i łahičnymi. Užo ciapier 90% abanientaŭ adznačajuć lohkaść u vykarystańni Life. My pobač, kab ličbavaje žyćcio było takoj ža lohkaj častkaj realnaha žyćcia.
Novaja kalarovaja palitra stała lahčejšaj i adaptyŭnaj dla ličbavaj asiarodździa. Bazavy sini ciapier śviatlejšy, a akcentny žoŭty źmianiŭsia na śviežy łajmavy. Ciomna-sini znajšoŭ svajo miesca pieravažna ŭ sałonach suviazi, zachoŭvajučy pierajemnaść z historyjaj brenda.
-
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
-
U Breście jašče nie paśpieli zdać novy abstalavany plaž, a jaho ŭžo naviedali vandały
-
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary