Łukašenka paśla Ałžyra znoŭ palacieŭ u krainu, dzie jaho doŭha nie mahli znajści
Pres-słužba Łukašenki paviedamiła, što jon zaviaršyŭ svoj vizit u Ałžyr. Ale dalejšy maršrut niečakany: akazvajecca, jon nie budzie pakul viartacca ŭ Biełaruś, a znoŭ biare kurs na Aman, dzie ŭžo pravioŭ niekalki dzion pierad Ałžyram.
Pavodle paviedamleńnia telehram-kanała «Puł Piervoho», u Łukašenki ŭ Amanie «praciahvajecca pracoŭnaja prahrama».
«U najbližejšyja dni zapłanavany šerah niepubličnych sustreč dla abmierkavańnia ŭ praktyčnaj płoskaści važniejšych prajektaŭ z kompleksu dvuchbakovaha supracoŭnictva Biełarusi i Amana», — paviedamlaje pres-słužba Łukašenki.
Heta anansujecca jak raźvićcio tych pieramoŭ, jakija prajšli 1 śniežnia. U subotu, 6 śniežnia, płanujecca jašče adna sustreča z sułtanam Amana.
Pieršy raz Łukašenka prylacieŭ u Aman «z rabočym vizitam» uviečary 28 listapada, pierad tym naviedaŭšy samit ADKB u kyrhyzskim Biškieku i Mjanmu, u jakoj jaho vielmi ŭračysta sustrakali. Paśla źjaŭleńnia ŭ Amanie dva dni pra Łukašenku i jahonyja dziejańni nie było ničoha čuvać, i tolki 1 śniežnia jon narešcie źjaviŭsia na sustrečy z sułtanam Amana doma ŭ apošniaha ŭ supravadžeńni nie čynoŭnikaŭ, a svaich ułasnych synoŭ — starejšaha Viktara i małodšaha Mikałaja. Na druhi dzień jon palacieŭ u Ałžyr, dzie pravioŭ dva dni.
Pakul Łukašenka z dvuma synami bavić čas u Amanie, treci jahony syn zaśviaciŭsia na druhim kancy kantynienta
Viktara Łukašenku ŭ Amanie nazvali «śpiecyjalnym pradstaŭnikom prezidenta»
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola
Łukašenka ŭ Amanie ŭžo ceły dzień, ale miascovyja viedamstvy i ŚMI pra heta maŭčać
Łukašenka prylacieŭ u Aman
Kamientary
Nu dyk pačni, čaho čakaješ.