3 śniežnia 2025 hoda stała viadoma, što Uzbrojenyja siły Ukrainy ŭžo jak minimum vośmy raz z pačatku hoda atakavali ŭčastak rasijskaha naftapravoda «Družba». Pra heta paviedamili ŭkrainskija ŚMI sa spasyłkaj na Hałoŭnaje ŭpraŭleńnie raźviedki.
Vybuch adbyŭsia na terytoryi Tamboŭskaj vobłaści, niedaloka ad vioski Kazinskija Vysiełki, na ŭčastku naftapravoda Tahanroh — Lipieck u noč na 2 śniežnia.
Śviedki raskazvali pra «hučny chłapok», jaki supravadžaŭsia ahniavym zaravam, bačnym jak z samich Kazinskich Vysiełak, tak i z navakolnych terytoryj. Kazinskija Vysiełki raźmieščanyja za 18 kiłamietraŭ ad horada Mičurynska.
Akramia vybuchu na naftapravodzie, u noč na 3 śniežnia była atakavanaja naftabaza «Tamboŭnaftapradukt», jakaja ŭvachodzić u skład «Rasnafty» i ŭ listapadzie 2025 hoda była dałučanaja da varoniežskaha filijału «Varoniežnaftapraduktu». U vyniku hetaj ataki zaharelisia try reziervuary z dyzielnym palivam.
Z pačatku hoda pad ukrainskija ŭdary ŭžo traplali inšyja ŭčastki naftapravoda «Družba» ŭ Rasii. U studzieni i sakaviku byli ataki na stancyju naftapierapampoŭki «Navazybkaŭ» u Branskaj vobłaści. U žniŭni jak minimum trojčy pad udary traplaŭ najbujniejšy vuzieł «Unieča», a taksama stancyja «Nikolskaje» ŭ Tamboŭskaj vobłaści. U vieraśni znoŭ byŭ atakovany vuzieł «Unieča».
Naftapravod «Družba» vykarystoŭvajecca z savieckich časoŭ dla pastavak rasijskaj nafty ŭ krainy Jeŭropy. Jon padzialajecca na paŭdniovuju i paŭnočnuju vietki: praz paŭdniovuju naftu praciahvajuć adpraŭlać u Vienhryju i Słavakiju, a paŭnočnaja, jakaja prakładzienaja praź Biełaruś, raniej išła ŭ Polšču i Hiermaniju, ale ŭ 2023 hodzie pastaŭki pa joj byli spynienyja.
U Jeŭropie razhladajuć handlovyja miery suprać pastavak rasijskaj nafty pa naftapravodzie «Družba»
«Jašče adna dyviersija ŭ Jeŭropie na naftapierapracoŭčym zavodzie». Dla čaho hety novy fejk prapahandy?
ZŠA nie buduć błakavać pastaŭki rasijskaj nafty i hazu ŭ Vienhryju, zajaviŭ Orban paśla sustrečy z Trampam
Kamientary
Narod v ES itak užie smotriat na ukrainskije zołotyje unitazy i sprašivajut na čto idut jevropiejskije nałohi
Ob etom skazał ministr finansov Sierhiej Marčienko.