FSB paviedamiła, što ŭ Maskvie nibyta sprabavali arhanizavać vybuch na prestyžnych Trajakuraŭskich mohiłkach, cellu jakoha mieŭ stać były ministr abarony, a ciapier sakratar Rady biaśpieki Rasii Siarhiej Šajhu. Zamach płanavaŭsia na 12 listapada — u dzień uhodkaŭ śmierci jaho maci.
Paviedamlajecca, što da arhanizacyi terakta byli nibyta pryciahnutyja narkazaležnyja mužčyna i žančyna, a taksama mihrant z Tadžykistana, jaki ŭ Rasii znachodzicca ŭ vyšuku za zabojstva i niezakonnuju zbroju.
Tadžyk, pavodle viersii śpiecsłužbaŭ, sabraŭ samarobnuju vybuchovuju pryładu, a para adviezła jaje na mohiłki i ŭstanaviła kala mahiły maci Šajhu — Alaksandry. Heta adbyłosia 11 listapada, za dzień da mierkavanaha zamachu. Pobač u vazie z kvietkami pastavili kamieru, kab sačyć za situacyjaj i ŭklučyć detanatar u momant prychodu Šajhu.
14 listapada FSB pakazała videa abiasškodžańnia vybuchoŭki i zatrymańnia troch čałaviek.
U zatrymanych znajšli pierapisku ŭ WhatsApp i Signal, dzie jany atrymlivali instrukcyi ad kuratara.
Paviedamlajecca, što dvoje znachodziacca ŭ ciažkim stanie ŭ reabilitacyjnym centry. Paśla vyzdaraŭleńnia ŭsim traim pahražaje pakarańnie až da pažyćciovaha źniavoleńnia.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary