Sioletnim łaŭreatam premii Ježy Hiedrojcia staŭ Siarhiej Dubaviec z knihaj «Zanzibar: staleńnie maładoj dušy».
Rašeńniem žury Siarhiej Dubaviec uznaharodžany za fiłasofskuju refleksiju nad pošukami nacyjanalnaj identyčnaści svajho pakaleńnia. Pieramožca atrymaŭ hałoŭnuju ŭznaharodu pry padtrymcy Fondu mižnarodnaj salidarnaści.
Siarhiej Dubaviec viadomy nie tolki jak piśmieńnik, ale i jak žurnalist. Mienavita jon byŭ z 1991 pa 2000 hod pieršym hałoŭnym redaktaram adrodžanaj «Našaj Nivy».
Na tvor-pieramožcu ŭ «Našaj Nivie» drukavałasia recenzija.
Druhoje miesca — u Juhasi Kalady, aŭtarki knihi «Pieramiena miescaŭ».
Aŭtarka ŭznaharodžanaja za fantasmaharyčnaje adlustravańnie zruchaŭ u biełaruskim hramadstvie tvorčaj stypiendyjaj i miesiacam pracy na šviedskim vostravie Hotłand. Pryz zabiaśpiečyŭ suarhanizatar premii — Mižnarodny sajuz biełaruskich piśmieńnikaŭ.
Recenzija na jaje tvor taksama drukavałasia ŭ «Našaj Nivie».
Juhasia Kalada taksama atrymała śpiecyjalny pryz premii Hiedrojcia ad partniora premii Audiobooks.by.
Treciaje miesca — u Źmitra Dziadzienki, aŭtara knihi «Hulni Cyrcei».
Žury adznačyła knihu za asensavańnie histaryčnaj poviazi časoŭ u vostrasiužetnaj formie. Pryz — vydańnie nastupnaj knihi pry padtrymcy Mižnarodnaha sajuza biełaruskich piśmieńnikaŭ.
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary