Zatrymany Viktar Lemiašeŭski, partnior Dźmitryja Baskava pa akumulatarnym biznesie
Zasnavalnik skandalnaha akumulatarnaha zavoda ŭ Breście nie pieršy raz traplaje za kraty. Minuły raz jamu ŭdałosia adkupicca, ale daviałosia pradać biznes.
«Našaj Nivie» stała viadoma pra zatrymańnie Viktara Lemiašeŭskaha, adnaho z najbahaciejšych ludziej Pinska. Jon zajmaje 58‑ie miesca ŭ rejtynhu samych paśpiachovych biznesmienaŭ Biełarusi.
56‑hadovy Lemiašeŭski — vypusknik aerakaśmičnaha fakulteta Maskoŭskaha avijacyjnaha instytuta. Spačatku zarablaŭ u Pinsku, paśla pierajšoŭ na respublikanski ŭzrovień.
U kancy 2010‑ch Lemiašeŭski atrymaŭ viadomaść za košt budaŭnictva skandalnaha akumulatarnaha zavoda ŭ Breście. Niahledziačy na pratesty miascovych žycharoŭ pradpryjemstva ŭsio ž dabudavali.
Lemiašeŭski paśpieŭ pasiadzieć niekalki miesiacaŭ u SIZA KDB, paśla pradaŭ svaju dolu ŭ zavodzie, ale ŭrešcie viarnuŭsia ŭ akumulatarny biznes.
Jaho kamiercyjnym partnioram pa pradpryjemstvie «Akumulatarny aljans» staŭ nabližany da Łukašenki spartyŭny funkcyjanier Dźmitryj Baskaŭ, jaki vałodaje 40% kampanii. Inšyja 40% majuć Lemiašeŭski razam ź jašče adnym svaim partnioram Alaksandram Papkom, a 20% pradpryjemstva ŭ Bresckaha abłvykankama.
U čym sutnaść pretenzij siłavikoŭ da Lemiašeŭskaha i jakaja rola ŭ hetym pracesie Dźmitryja Baskava — pakul nie viadoma.
U svoj čas biznes Lemiašeŭskaha raźvivaŭsia ŭ tym liku pry spryjańni staršyni Śledčaha kamiteta (2015-2021) Ivana Naskieviča — byłoha pinskaha prakurora, susieda i adnahodka Lemiašeŭskaha. Naskievič ciapier pracuje ŭ jurydyčnaj asobie, jakaja kiruje chołdynham 1AK-Group, u jaki ŭvachodzić i «Akumulatarny aljans».
«Naša Niva» — bastyjon biełaruščyny
PADTRYMAĆ
Kamientary