U Minsku amal hatovy novy vaśmipaviarchovy korpus ankacentra
Karkas vaśmipaviarchovaha korpusa Minskaha ankacentra na pr. Niezaležnaści, 64/10 praktyčna hatovy, paviedamiŭ kanał «Minskstroja».
Budaŭniki praktyčna zaviaršyli ŭźviadzieńnie karkasa vaśmipaviarchovaha korpusa Minskaha ankałahičnaha centra, jaki raźmieščany na praśpiekcie Niezaležnaści. Korpus raźličany na 1000 naviedvańniaŭ u źmienu i budzie akazvać ambułatorna-palikliničnuju i kansultatyŭna-dyjahnastyčnuju dapamohu.
Budaŭniki ŭžo zaviaršyli asnoŭny karkas. Nad uvachodnaj hrupaj, dzie byli zaprajektavany vialikija praloty biez kałon, jany zalili śpiecyjalnaje palehčanaje kiesonnaje pierakryćcie, jakoje padobna na pčalinyja soty. Heta dapamahaje pamienšyć nahruzku na niasučyja ścieny i fundamienty, paviedamlaje kanał.
Z manalitu jašče treba budzie ŭźvieści prybudovu da budynka z boku RNPC dziciačaj chirurhii, a taksama pierachodnuju halereju, jakaja źviaža novy korpus z terapieŭtyčnym na ŭzroŭni druhoha paviercha.
Zaraz na abjekcie iduć dachavyja i kładkavyja raboty — korpus imknucca nakryć da zimy.
Paśla ŭładkavańnia dachu pačniecca mantaž voknaŭ, a potym zojduć tynkoŭščyki.
U novym korpusie raźmieścicca niekalki kansultatyŭna-palikliničnych adździaleńniaŭ, adździaleńni pramianiovaj, mahnitna-rezanansnaj i UHD-dyjahnostyki.
Na druhim paviersie źjavicca vialikaja kanfierenc-zała na 200 miescaŭ, zała dla narad i navučalnyja aŭdytoryi dla kafiedry ankałohii BDMU.
Uvachod u budynak budzie arhanizavany z uzroŭniu ziamli, što zabiaśpiečyć biezbarjernaje asiarodździe.
Fasad budynka budzie kambinavanym ź vitražami, a interjery buduć vykanany ŭ śvietła-bežavym adcieńni z akcentnymi sinimi ŭstaŭkami.
Kamientary