Hetym letam ź Minsk možna budzie dajechać da Čornaha mora na aŭtobusie. Rejsy ŭ Anapu, što ŭ Krasnadarskim krai Rasii, zapuściać z červienia, raspaviali Office Life pradstaŭniki servisu «Atłas Bas».
Pieršy vyjezd zapłanavany na 16 červienia. Ź Minska aŭtobus adpravicca a 06:00 i prybudzie ŭ Anapu praz 32 hadziny. Prodaž kvitkoŭ užo adkryty. Pieršy rejs z Anapy płanujuć na 18 červienia.
U dalejšym aŭtobusy buduć kursavać uvieś siezon ź intervałam čatyry dni. Naprykład, u pieršy letni miesiac vyjezdy ź Minska zapłanavanyja taksama na 20, 24 i 28 červienia.
Pa darozie aŭtobus zajazdžaje na terytoryi Biełarusi ŭ Homiel, a na terytoryi Rasii — u Aroł, Rastoŭ-na-Donie, Krasnadar i Novarasijsk. Im taksama možna dabracca da papularnych čarnamorskich kurortaŭ — Hielendžyk i Kabardzika.
Kvitok u adzin bok, jak i letaś, budzie kaštavać 290 rubloŭ.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary