Na miescy pramysłovaj zony na vulicy Hurskaha ŭ Minsku źjavicca kvartał panelek
Pramzona na vulicy Hurskaha pastupova źnikaje z karty Minska. Tam, dzie jašče niadaŭna stajali vytvorčyja karpusy, chutka źjaviacca žyłyja damy. Tut padychodzić da kanca znos starych budynkaŭ — napieradzie vynas inžyniernych sietak, piša Onliner.by.
U nastupnym hodzie na placoŭku płoščaj 5,8 hiektara zojdzie «Minskbud» — i pačniecca novaje žyćcio hetaha ŭčastka. Pieršyja dva damy buduć typavymi: adzin — dvuchsiekcyjny na dziesiać pavierchaŭ, druhi — čatyrochsiekcyjny na 9—10 pavierchaŭ. Usiaho — 231 kvatera i amal 16,4 tysiačy kvadratnych mietraŭ žylla.
Paźniej da pieršych karpusoŭ dadaducca jašče try: dva pa toj ža sieryi i adzin 19‑paviarchovy «mapidaŭski» dom. Tak, pavodle płana zabudoŭščyka, na terytoryi vyraście piać damoŭ ahulnaj płoščaj bolš za 40 tysiač «kvadrataŭ» — heta 594 kvatery.
Navinki buduć z tradycyjnym aciapleńniem, ale z elektraplitami. U dvarach — dziciačyja i spartyŭnyja placoŭki, parkovačnyja miescy vyniesuć za miežy dvaroŭ. Fasady zrobiać u modnaj hrafitava-šeraj hamie.
— Terytoryja maje vysoki horadabudaŭničy patencyjał, — kaža hałoŭny inžynier prajekta Vasil Prybyš. — Tut užo jość inžyniernaja infrastruktura, transpartnaja sietka i pobač łandšaftna-rekreacyjnaja zona.
Prama ciapier prajektnaja dakumientacyja prachodzić uzhadnieńnie i rychtujecca da dziaržaŭnaj ekśpiertyzy.
Ciapier čytajuć
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary
Chutka ŭsio nasielnictva krainy skancentrujecca ŭ Miensku dy abłasnych centrach,.. a moža j nie, bo nia fakt, što ŭ novabudoŭli tyja zasialajucca hramadzianie Biełarusi, całkam mahčyma, što rasiejcy, kitajcy, a ciapier ža jašče j pakistancy, i tyja mihranty, što nia zdoleli praleźci ŭ EZ ...