U HUR raskazali detali śpiecapieracyi ŭ Pakroŭsku i ciažkija bai tam
U Hałoŭnym upraŭleńni raźviedki Minabarony Ukrainy raskazali, što praciahvajuć śpiecapieracyju ŭ Pakroŭsku i z dadatkovymi siłami śpiecnaza spyniajuć sproby voraha atakavać łahistyku.
«Siłami «Śpiecpadraździaleńnia Cimura» HUR MA Ukrainy praciahvajecca apieracyja ŭ adnym z važnych, z punktu hledžańnia frantavoj łahistyki, rajonaŭ horada Pakroŭsk Danieckaj vobłaści. Iduć žorstkija bai z rasijskimi akupantami», — havorycca ŭ paviedamleńni.
Taksama, paviedamlaje HUR, paśla paśpiachovaj desantnaj apieracyi da śpiecnazaŭcaŭ, jakija zaniali peŭnyja rubiažy, prabili naziemny kalidor i dałučylisia dadatkovyja siły śpiecpadraździaleńnia.
«Praciahvajecca bajavaja praca, skiravanaja na likvidacyju sprobaŭ voraha pašyryć ahniavoje ŭździejańnie na łahistyku ŭ zonie adkaznaści HUR», — dadaje pres-słužba.
Z metaj biaśpieki asabovaha składu pryciahnutych padraździaleńniaŭ detali apieracyj pakul nie raskryvajucca, adznačajuć u HUR.
Na pačatku minułaha tydnia ŭ Pakroŭsk Danieckaj vobłaści byli adpraŭleny śpiecnazaŭcy Hałoŭnaha ŭpraŭleńnia raźviedki z pryčyny abvastreńnia bajavych dziejańniaŭ i z metaj stabilizacyi situacyi.
Ukrainski bok śćviardžaje, što atačeńnia ci błakavańnia Pakroŭska i Mirnahrada Danieckaj vobłaści niama, a ŭ Pakroŭsku praciahvajecca kompleksnaja apieracyja pa źniščeńni i vyciaśnieńni voraha.
-
Pry ŭdary pa Samary, vierahodna, paškodzili cech, dzie vyrablajuć elektronnaje abstalavańnie dla rakiet-nośbitaŭ «Sajuz-2»
-
Rasijski piensijanier zahinuŭ na vajnie. Zatoje jaho siastry-biełaruscy pašancavała — atrymała adnu piatuju «Łady»
-
Ukrainskija rakiety nanieśli ŭdar pa rakietnym zavodzie ŭ Samary
Kamientary