У Галоўным упраўленні разведкі Мінабароны Украіны расказалі, што працягваюць спецаперацыю ў Пакроўску і з дадатковымі сіламі спецназа спыняюць спробы ворага атакаваць лагістыку.
«Сіламі «Спецпадраздзялення Цімура» ГУР МА Украіны працягваецца аперацыя ў адным з важных, з пункту гледжання франтавой лагістыкі, раёнаў горада Пакроўск Данецкай вобласці. Ідуць жорсткія баі з расійскімі акупантамі», — гаворыцца ў паведамленні.
Таксама, паведамляе ГУР, пасля паспяховай дэсантнай аперацыі да спецназаўцаў, якія занялі пэўныя рубяжы, прабілі наземны калідор і далучыліся дадатковыя сілы спецпадраздзялення.
«Працягваецца баявая праца, скіраваная на ліквідацыю спробаў ворага пашырыць агнявое ўздзеянне на лагістыку ў зоне адказнасці ГУР», — дадае прэс-служба.
З мэтай бяспекі асабовага складу прыцягнутых падраздзяленняў дэталі аперацый пакуль не раскрываюцца, адзначаюць у ГУР.
На пачатку мінулага тыдня ў Пакроўск Данецкай вобласці былі адпраўлены спецназаўцы Галоўнага ўпраўлення разведкі з прычыны абвастрэння баявых дзеянняў і з мэтай стабілізацыі сітуацыі.
Украінскі бок сцвярджае, што атачэння ці блакавання Пакроўска і Мірнаграда Данецкай вобласці няма, а ў Пакроўску працягваецца комплексная аперацыя па знішчэнні і выцясненні ворага.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары