Ukraina atrymała novuju partyju rakiet Storm Shadow dla ŭdaraŭ uhłyb Rasii
Urad Vialikabrytanii pastaviŭ Ukrainie novuju partyju dalnabojnych kryłatych rakiet Storm Shadow dla udaraŭ uhłyb Rasiei, paviedamlaje Bloomberg sa spasyłkaj na krynicy. Kolki mienavita rakiet pieradadziena, nie paviedamlajecca.
Łondan pieradaŭ Kijevu partyju Storm Shadow, kab zabiaśpiečyć Uzbrojenyja siły Ukrainy zapasami napiaredadni zimy. Pa słovach surazmoŭcaŭ ahienctva, brytanski ŭrad zaniepakojeny, što ŭ hety pieryjad Maskva moža ŭzmacnić ataki.
Jašče adnoj pryčynaj dadatkovych pastavak brytanskich kryłatych rakiet stała rašeńnie prezidenta ZŠA Donalda Trampa nie pieradavać Kijevu amierykanskija «Tamahaŭki», piša Bloomberg.
U kancy kastryčnika CNN paviedamlaŭ, što Pientahon dałažyŭ Trampu pra hatoŭnaść pieradać Kijevu rakiety Tomahawk. Viedamstva zapeŭniła, što heta nie adabjecca na jaho ŭłasnych zapasach zbroi. Ale prezident ZŠA zajaviŭ, što «na samaj spravie nie razhladaje» adpraŭku Tomahawk va Ukrainu. Pry hetym jon dapuściŭ, što moža pieradumać.
USU ŭpieršyniu vykarystali brytanskuju dalnabojnuju zbroju dla ŭdaraŭ pa abjektach na rasijskaj terytoryi ŭ listapadzie 2024 hoda. Rasija ŭ adkaz atakavała Ukrainu balistyčnaj rakietaj «Arešnik» u biaźjadziernym hipierhukavym zabieśpiačeńni.
Łondan nie raskryvaje, kali i kolki dalnabojnych kryłatych rakiet było pastaŭlena Kijevu. U vieraśni brytanski premjer-ministr Kir Starmier paviedamiŭ, što krainy «kaalicyi achvotnych» hatovyja zabiaśpiečvać Ukrainu rakietami bolšaj dalokaści, ale nie ŭdakładniŭ paramietry mahčymych pastavak.
Kamientujučy padobnyja zajavy, pres-sakratar Pucina Dźmitryj Piaskoŭ adznačaŭ, što jany supiarečać «pamknieńniam na vychad da palityčnaha ŭrehulavańnia» kanfliktu na Ukrainie, a rašeńni zachodnich krain pieradavać Ukrainie dalnabojnyja rakiety źjaŭlajucca «niebiaśpiečnymi».
Va Ukrainie zajavili, što źniščyli adzin rasijski «Arešnik» prosta na palihonie
ZŠA źniali klučavoje abmiežavańnie na ŭdary dalnabojnymi rakietami pa Rasii — WSJ
Zialenski: Ukraina maje ŭłasnuju zbroju dla dalokich udaraŭ pa Rasii biez uzhadnieńnia z ZŠA
Što viadoma pra kryłatuju rakietu «Fłaminha». Ci dastanie jana da Maskvy i vytvorčaściaŭ šachiedaŭ?
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary