U Minsku suvora pakarali mužčynu, jaki prymušaŭ inšych ludziej žabravać na vulicach. Jon «zarabiŭ» amal 10 tysiač rubloŭ
Sud Zavodskaha rajona Minska vynies prysud mužčynu, jaki niekalki hadoŭ prymušaŭ dvuch ludziej žabravać na vulicach horada.
42‑hadovy mužčyna ź lutaha 2021‑ha da traŭnia 2024 hoda vykarystoŭvaŭ kiepskaje stanovišča dvuch čałaviek, u jakich nie było žytła i srodkaŭ da isnavańnia. Jon zabraŭ ich pašparty, tym samym pazbaviŭšy mahčymaści syści, i štodnia prymušaŭ vychodzić «na pracu» — prasić miłaścinu.
Na ŭkazańni abvinavačanaha jaho achviary pavinny byli siadzieć u invalidnych kalaskach, demanstrujučy biezdapamožnaść. Im zabaraniałasia ŭstavać, dramać, apuskać hałavu, a za parušeńnie praviłaŭ sypalisia pahrozy i paboi.
Sud ustanaviŭ, što mužčyna rehularna biŭ paciarpiełych kijkom, rukami, nahami, ablivaŭ chałodnaj vadoj i vyhaniaŭ na vulicu biez adzieńnia ŭ chałodnaje nadvorje. Usie hrošy, jakija minaki davali achviaram, jon zabiraŭ sabie. Za try hady takoj «dziejnaści» jon atrymaŭ nie mienš za 9765 rubloŭ.
Na sudzie abvinavačany vinu nie pryznaŭ.
Prysudam suda mužčyna pryznany vinavatym u inšaj formie ekspłuatacyi čałavieka (p. 2 č. 2 art. 181−1 KK). Jaho asudzili na vosiem z pałovaj hadoŭ i dali 21 tysiaču rubloŭ štrafu.
Z ulikam papiaredniaha prysudu suda Asipovickaha rajona kančatkovy termin skłaŭ 8 hadoŭ i 10 miesiacaŭ kałonii ŭzmocnienaha režymu, a taksama asudžanamu zabaroniena kiravać transpartam ciaham piaci hadoŭ. Akramia taho, sud pastanaviŭ spahnać z mužčyny niezakonna atrymany dachod — 9765 rubloŭ.
Pobač z Łukašenkam na chakiei źjaviłasia novaja pryhažunia10
Kamientary
Atrymlivajecca, što pryjšoŭ jašče bolšy bandyt i zabraŭ sabie.
Takaja spraviadlivaść.