Novaja prezidentka Irłandyi choča zrabić irłandskuju pracoŭnaj movaj svajho ofisa
Niadaŭna abranaja prezidentkaj Irłandyi Ketryn Konali abviaściła pra namier zrabić irłandskuju pracoŭnaj movaj svajoj rezidencyi Áras an Uachtaráin paśla ŭstupleńnia na pasadu. Pra heta paviedamlaje «Jeŭrapiejskaja praŭda».
U atačeńni Konali havorać, što padčas jaje prezidenctva «irłandskaja mova budzie na bačnym miescy», a sama jana imkniecca pryciahnuć da pracy ŭ rezidencyi ludziej, jakija vałodajuć irłandskaj, i zrabić jaje «pracoŭnaj movaj».
«Ja zrablu ŭsio mahčymaje, kab vyvieści irłandskuju movu z marhinesu i vykarystoŭvać jaje», — skazała budučaja prezidentka Irłandyi 31 kastryčnika ŭ pieršym intervju paśla abrańnia.
Jak mienavita heta budzie ŭvasablacca na praktycy, pakul nieviadoma. Atačeńnie Konali ciapier rychtujecca da jaje inaŭhuracyi, jakaja adbudziecca 11 listapada, i da pieršych tydniaŭ jaje prezidenctva.
Irłandskaja — adna z kielckich moŭ i farmalna pieršaja aficyjnaja mova Irłandyi. Kolkaść jaje nośbitaŭ aceńvajuć u kala 1,6 miljona, adnak tolki 70 tysiač vykarystoŭvajuć movu ŭ štodzionnym žyćci.
Levaja niezaležnaja kandydatka Ketryn Konali atrymała pieramohu na prezidenckich vybarach u Irłandyi 24 kastryčnika, nabraŭšy bolš za 60% hałasoŭ. Prezidenckaja pasada ŭ Irłandyi ŭ asnoŭnym cyrymanijalnaja, ale mahčymaja pieramoha Konali była acharaktaryzavanaja ŭ ŚMI jak prynižeńnie pravacentrysckaha ŭrada.
U źniešniaj palitycy Konali viadomaja jak prychilnica padtrymki Paleściny. Što da pytańnia rasijska-ŭkrainskaj vajny, to jana paśladoŭna vystupaje za akazańnie padtrymki Ukrainie, ale tolki humanitarnaj: akazańnie dapamohi biežancam, humanitarnaj dapamohi nasielnictvu ŭ samoj Ukrainie, makrafinansavaj dapamohi i «ŭsioj mahčymaj čałaviečaj dapamohi, jakaja isnuje». Pry hetym jana asudžaje pieradaču Ukrainie ŭzbrajeńnia.
Prezidentkaj Irłandyi vybranaja Ketryn Konali, palityk levych pohladaŭ
Irłandskaja mova stała pracoŭnaj va ŭstanovach Jeŭrasajuza
Biełaruska ŭ Irłandyi: Irłandskaja mova žyvie jak azdableńnie, relikvija, a nie srodak znosin
Što Biełarusi varta ŭziać z moŭnaj palityki Irłandyi
«Rodnaja mova — mova majho rodu i majoj krainy». Ci moža ŭ čałavieka być rodnaj taja mova, na jakoj jon nie razmaŭlaje?
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1010
Kamientary