Cichanoŭskaja: Naŭrad ci atrymajecca adnavić toj abjom padtrymki, jaki biełarusy stracili ŭ suviazi z novaj amierykanskaj palitykaj
U intervju Deutsche Welle demakratyčnaja lidarka Śviatłana Cichanoŭskaja siarod inšaha zakranuła pytańnie, nakolki biełaruskija aktyŭnaści mohuć raźličvać na padtrymku z boku zachodnich demakratyj va ŭmovach, źmienienych paśla prychodu da ŭłady ŭ ZŠA Donalda Trampa.
— Krychu mienš za hod tamu Jeŭrapiejski sajuz vydzieliŭ 30 miljonaŭ jeŭra na padtrymku biełaruskich prajektaŭ, hramadzianskaj supolnaści. Nakolki biełarusy mohuć raźličvać na padobnaje finansavańnie ŭ dalejšym? Užo nazyvajucca niejkija ličby?
— Ciapier, napeŭna, idzie praces pieraacenki hetych patreb, tamu što z momantu, kali Amieryka spyniła padtrymku ŭsich hramadzianskich inicyjatyŭ za miažoj, viadoma, utvaryŭsia vielmi vialiki prabieł u finansavańni hramadzianskich aktyvistaŭ. I ciapier našy jeŭrapiejskija sajuźniki šukajuć mahčymaści heta prabieł zapoŭnić.
Naŭrad ci atrymajecca całkam adnavić toj abjom, jaki stracili biełarusy ŭ suviazi z novaj amierykanskaj palitykaj. Ale my taksama pryjarytetyzavalisia, my taksama trošački padumali, dzie možna zrezać, jakija hałoŭnyja kirunki.
— Prykładna pra jakija sumy idzie havorka?
— Heta nie sakret, što amierykanskaja dapamoha pakryvała prykładna pałovu ŭsiaho abjomu dapamohi biełaruskaj hramadzianskaj supolnaści.
— Heta značyć, ciapier Jeŭraźviaz zastajecca najbujniejšym donaram, pa sutnaści, i pavinien stać ledź nie adzinym donaram u hetaj situacyi?
— Nichto nikomu ničoha nie pavinien. Tak, Jeŭrapiejski sajuz razumieje, što dapamoha biełarusam — heta nie niejkaja dabračynnaść, heta inviestycyi ŭ demakratyju, u ich ułasnuju biaśpieku. I tamu takija inviestycyi akupiacca ŭ razy, kali našy mety buduć dasiahnutyja.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary