Razam z adnaŭleńniem pracy punktaŭ propusku na polska-biełaruskaj miažy polski bok admianiŭ raniej uviedzieny ban na ŭvoz cyharet i ałkaholu ź Biełarusi.
Paśla pryniaćcia čarhovych abmiežavańniaŭ na ŭvoz tavaraŭ ź Biełarusi, jašče ź leta 2024 hoda isnavała poŭnaja zabarona na ŭvoz cyharet i ałkaholu ź Biełarusi ŭ Polšču.
Adnak, paśla adnaŭleńnia pracy punktaŭ propusku na miažy ź Biełaruśsiu z 25 vieraśnia 2025 hoda poŭnaja zabarona źnikła. Ciapier, jak i raniej, padarožniki va ŭzroście ad 17 hadoŭ majuć prava pravozić da 40 cyharet (2 pački) i da 1 litra mocnaha ałkaholu (bolš za 22%), abo 2 litry ałkaholu da 22%, abo 4 litry vina ci 16 litraŭ piva.
Aficyjnych abviestak, aproč publikacyj u sacsietkach ad pieravozčykaŭ, z hetaj nahody nie było.
Ale pra heta raskazvajuć padarožniki. Chapaje ludziej, jakija paśla adnaŭleńnia pracy miažy nie adzin raz dekłaravali «normu» ałkaholu ci cyharet pry prachodžańni mytnaha kantrolu ŭ «Tarespali».
U mytnym adździele pamiežnaha punktu propusku «Tarespal» pa telefonie paćvierdzili, što ciapier dziejničajuć tyja samyja normy, jaki byli da zabarony na ŭvoz cyharet i ałkaholu ź Biełarusi.
Ciapier čytajuć
Homielskuju sudździu, jakaja adpracavała 25 hadoŭ i zajmałasia palityčnymi spravami, vyhnali za sistematyčnyja dyscyplinarnyja parušeńni8
Kamientary