Siońnia ŭ Stakholmie byŭ abvieščany nobieleŭski łaŭreat pa litaratury. Im staŭ vienhierski piśmieńnik Łasła Krasnaharkai.
Piśmieńnika adznačyli «za jaho pierakanaŭčuju i prarockuju tvorčaść, jakaja va ŭmovach apakaliptyčnaha teroru znoŭ paćviardžaje siłu mastactva».
Łasła Krasnaharkai naradziŭsia ŭ 1954 hodzie ŭ Dźjule. Pieršy tvor napisaŭ u 1977 hodzie. Prasłaviŭsia paśla vychadu ramana «Sataninskaje tanha» ŭ 1985 hodzie. Siarod jaho najbolš viadomych ramanaŭ taksama — «Miełancholija supracivu» i «Si-van-mu tut siarod nas». Niekatoryja tvory Krasnaharkai ekranizavanyja. U 2015 hodzie jon atrymaŭ Bukiera.
U minułym hodzie pieramožcaj stała paŭdniovakarejskaja piśmieńnica Chan Han, u 2023 hodzie narviežac Jun Fose. U 2015 hodzie — biełaruskaja piśmieńnica Śviatłana Aleksijevič.
U piatnicu a 12‑j abvieściać łaŭreata Nobieleŭskaj premii miru, a zavieršycca Nobieleŭski tydzień u nastupny paniadziełak naminacyjaj pa ekanomicy.
Kamientary