«Padumaŭ, što niedzie pobač miadźviedź». Nobieleŭskamu łaŭreatu ŭ ličbavym detoksie ŭsio ž paviedamili pra ŭznaharodu
Nobieleŭski kamitet narešcie zmoh źviazacca z amierykanskim navukoŭcam Fredam Ramsdełam, jaki staŭ sioletnim łaŭreatam premii ŭ halinie fizijałohii i miedycyny, piša The Guardian. Da hetaha ź im doŭha nie mahli skantaktavacca, bo Ramsdeł razam z žonkaj byŭ u pachodzie pa harach ZŠA i pravodziŭ «ličbavy detoks» — biez telefona i internetu.
Žonka navukoŭca, Łora O'Nił, vypadkova ŭbačyła na telefonie šmat vinšavalnych paviedamleńniaŭ — tak para daviedałasia pra ŭznaharodu. Jak paviedamiŭ pradstaŭnik kamiteta Tomas Pierłman, muž i žonka try tydni padarožničali pa hornych chrybtach Ajdacha, Vajominha i Mantany, načavali ŭ namiotach i atrymali navinu, kali jechali ŭ hatel dy spynilisia, kab adramantavać mašynu.
Kali Łora raptam uklučyła telefon i zakryčała ad niečakanaści, Fred padumaŭ, što niedzie pobač miadźviedź, bo jany byli ŭ miascovaści, dzie žyvuć hryźli. Ale kryk byŭ ad radaści — jon atrymaŭ Nobieleŭskuju premiju. Pavodle śviedak, navukoviec byŭ vielmi ździŭleny i ščaślivy, bo nie čakaŭ takoha pryznańnia.
Raniej, 6 kastryčnika, stała viadoma, što Fred Ramsdeł razam z amierykankaj Mery Brankou i japoncam Šymanam Sakahučy padzialili Nobieleŭskuju premiju za daśledavańni, jakija tłumačać, jak pracuje imunnaja sistema i čamu nie ŭsie ludzi pakutujuć ad ciažkich aŭtaimunnych zachvorvańniaŭ.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary