«Žyvie najlepšym žyćciom»: nobieleŭskamu łaŭreatu nie mohuć paviedamić pra ŭznaharodu, bo ŭ jaho ličbavy detoks
Fred Ramsdeł apynuŭsia siarod uznaharodžanych Nobieleŭskaj premijaj pa miedycynie 2025 hoda, ale, imavierna, pra heta nie viedaje, bo znachodzicca niedzie ŭ Ajdacha pa-za zonaj dostupu.
Nobieleŭski kamitet nie zmoh źviazacca z adnym z łaŭreataŭ sioletniaj premii pa miedycynie, piša The Guardian.
Fred Ramsdeł padzialiŭ prestyžnuju premiju, abvieščanuju ŭ paniadziełak, z Mery Brankou i Šymanam Sakahučy za ich adkryćci, źviazanyja z funkcyjanavańniem imunnaj sistemy.
Adnak ličbavy detoks łaŭreata aznačaje, što Nobieleŭski kamitet nie zmoh źviazacca ź im i paviedamić navinu.
Džefry Blustoun, siabar Ramsdeła i suzasnavalnik navukovaj łabaratoryi, skazaŭ, što daśledčyk zasłuhoŭvaje pryznańnia, ale i jon sam nie moža da jaho dazvanicca.
«Ja sam sprabavaŭ ź im źviazacca. Dumaju, jon, mahčyma, padarožničaje z zaplečnikam pa hłušy ŭ Ajdacha», — paviedamiŭ Blustoŭn AFP.
Usie troje atrymali premiju za daśledavańnie, što datyčycca «pieryfieryčnaj imunnaj talerantnaści», jakaja praduchilaje naniasieńnie škody arhanizmu z boku imunnaj sistemy, i pryviała da novaj haliny daśledavańniaŭ, a taksama da raspracoŭki patencyjnych mietadaŭ lačeńnia, jakija ciapier aceńvajucca ŭ kliničnych vyprabavańniach.
U 2020 hodzie Nobieleŭski kamitet mieŭ padobnyja ciažkaści z łaŭreatam premii pa ekanomicy.
Kali telefon Boba Uiłsana zazvaniŭ u Stenfardzie pasiarod nočy, toj jaho adklučyŭ, tamu kamitetu daviałosia telefanavać jaho žoncy.
Kali kamitet nie zmoh źviazacca i ź jaho kaleham-łaŭreatam Połam Miłhramam, Uiłsanu daviałosia samomu iści i budzić jaho. Kadry z kamiery videanazirańnia Miłhrama zafiksavali momant, kali jamu paviedamili pra atrymańnie Nobieleŭskaj premii, na što jon adkazaŭ: «Sapraŭdy? Voś dyk tak».
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary