U «stalincy» na płoščy Pieramohi zrabili sučasny ramont, ciapier pradajuć. Kvadrat — daražej za $4 tysiačy
U «stalincy» na Kisialova, 4 pradajuć adnapakajovuju kvateru z dobrym ramontam. Heta litaralna niekalki chvilin da ŭvachodu ŭ mietro na stancyi «Płošča Pieramohi», piša Realt.by.
Kisialova, 4 — heta «stalinka» 1957 hoda pabudovy, a niadaŭna tut zrabili kapitalny ramont. Faktyčna ŭ dvarach hetaha doma budujecca žyły kompleks Depo.
Pierakryćci ŭ domie žalezabietonnyja. Kvatera znachodzicca na pieršym paviersie. Ahulnaja płošča — 42 mietry, žyłoje — 18. Stoli — try mietry.
Pradaviec kaža, što ŭ kvatery ŭsio novaje. I pradajecca ŭsio, až da posudu.
U kuchni z techniki jość chaładzilnik, hazavaja plita na dźvie kanforki i mikrachvaloŭka. Akramia abiedziennaj hrupy, tut pastavili kanapu.
Sanvuzieł sumieščany. Jość dušavaja kabina, padklučanaja pralnaja mašyna.
A abydziecca takaja adnapakajovaja kvatera ŭ 180 tysiač dołaraŭ. Mietr — 4 286 dalaraŭ.
Kamientary