Kancler Mierc: «Kaŭbasa — heta kaŭbasa». Jeŭraparłamient pahadziŭsia
Sasiski z tofu, šnicali ź siejtana i inšyja zamieńniki miasa ŭ budučyni atrymajuć inšyja nazvy, vyrašyŭ Jeŭraparłamient. Takuju prapanovu ŭniesła kansiervatyŭnaja Jeŭrapiejskaja narodnaja partyja.
Tam ličać, što paniaćci «burhier», «sasiska» abo «šnical» varta vykarystoŭvać tolki dla abaznačeńnia miasnych praduktaŭ. Metaj inicyjatyvy nazyvajuć padtrymku fiermieraŭ i abaronu spažyŭcoŭ ad błytaniny, piša DW-Belarus.
Niekalki dzion tamu hetuju temu zakranuŭ i kancler Hiermanii Frydrych Mierc. «Kaŭbasa — heta kaŭbasa. Kaŭbasa — nie viehanskaja», — zajaviŭ kiraŭnik urada ŭ tok-šou Caren Miosga na telekanale ARD. Adnak jon ustrymaŭsia ad dalejšych kamientaroŭ.
U miasnoj pramysłovaści zadavolenyja, ale ŭ rašeńnia jość i krytyki. «Śviet — u ahni, a Jeŭrapiejskaja narodnaja partyja na hetym tydni nie znajšła ničoha lepšaha, jak uciahnuć nas usich u dyskusiju pra kaŭbaski i šnicali», — aburajecca ŭ razmovie z DW jeŭradeputatka ad «zialonych» Anna Kavacini.
U adkrytym liście bujnyja handlovyja sietki Aldi Süd i Lidl, sietka restaranaŭ chutkaha charčavańnia Burger King i navat vytvorca kaŭbasnych vyrabaŭ Rügenwalder Mühle, siarod inšych, zaklikali parłamient ES adchilić inicyjatyvu. Spažyŭcy lohka adroźnivajuć raślinnyja zamieńniki ad sapraŭdnaha miasa. Zabarona «prymusić kampanii vykarystoŭvać nieznajomyja terminy, što značna ŭskładnić dostup na rynak i zapavolić dynamiku inavacyj», — havorycca ŭ dakumiencie.
Bolšaść členaŭ Jeŭraparłamienta prahałasavali za zabaronu vykarystańnia peŭnych słoŭ, uklučajučy nazvy vidaŭ žyvioł, dla praduktaŭ raślinnaha pachodžańnia. Praŭda, ciapier Jeŭraparłamientu naležyć dasiahnuć kančatkovaha pahadnieńnia z usimi 27 krainami ES.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy24
Kamientary